Qalalyq saıystarda meshitteriniń jaqsy atyn shyǵarý úshin jarys jolyna túsken 10 komanda ál-Farabı atyndaǵy Qazaq ulttyq ýnıversıtetiniń fýtbol alańyna jınaldy. Onyń beseýi «Tóle bı», qalǵan beseýi «Mýzzamıl» meshitiniń ujymdary boldy.
Jarys jolynda 10 upaı jınaǵan «Qara tamyr» komandasy birinshi oryn alyp, «Tóle bı» meshitiniń abyroıyn qorǵaıtyn boldy. Ekinshi oryndy «Ańsar» oıynshylary ıemdense, «Arman» fýtbolshylary 6 upaı jınap, qolany qanaǵat tutty.
Al «Mýzzamıl» meshitiniń ókilderi arasynda «Salıh», «Sparta» jáne «Drýjba-1» komandalary 9 upaıdan qanjyǵaǵa baılap, júldeli oryndardy jeke kezdesýleri arqyly bólip aldy.
Aıtqandaı, «Asyl mura» baǵdarlamasy aıasynda ótken fýtbol týrnıri 7 shilde kúni ashylyp, Almaty qalasynyń meshitke kelýshi jamaǵattary arasyndaǵy buqaralyq sportty damytýǵa negizdelgen.
Aldyńǵy aptada bastaý alǵan fýtbol lıgasyna qalada ornalasqan 48 meshittiń ókilderi ózara myqtyny anyqtap, qalalyq týrnırde jolyǵatyn bolady.
Aınash ESALI,
«Egemen Qazaqstan»
ALMATY
