30 shilde kúni «Eır Astana» áýe kompanııasynyń Almatydan Aqtaýǵa qatynaıtyn KS 884 reısin oryndaǵan «Airbus A321» ushaǵyna reısti oryndaý barysynda áýede qustar soǵylǵan. Ushaq Almatydan saǵat 22:25-te ushyp shyqqan. Qaýipsizdikti oılaǵan ekıpaj áýe kemesin qaıtadan Almaty áýejaıyna qondyrý týraly sheshim qabyldady. Ushaq 23-40-ta Almaty áýejaıyna kelip qondy. Áýe kompanııasynyń ınjenerleri ushaqty tekserip shyǵyp, onyń qatty zaqymdanbaǵanyn, ushýǵa jaramdy ekenin anyqtady. Osydan keıin, ushaq 00:55-te qaıtadan reısti oryndaýǵa áýejaıdan ushyp shyqty.
Áýe kompanııa baspasóz qyzmetiniń málimetine súıensek, ushaqtarǵa qustardy soǵylýy óte qaýipti. 2017 jyldyń basynan beri Almaty áýejaıynda ushaqtarǵa 7 ret qustar soǵylǵan oqıǵa tirkelgen. Sonyń birinde, ushaq zaqymdanǵan. Al 2016 jyly áýejaılarda 59 ret qustardyń ushaqqa soǵylǵan oqıǵasy tirkeldi. Sonyń 10-ynda ushaq zaqymdandy.
