Kezdesý barysy Elbasynyń «Bolashaqqa baǵdar: rýhanı jańǵyrý» maqalasyn talqylaýǵa arnaldy.
-Maqala rýhanı-etıkalyq qaǵıdattarǵa baǵyttala otyryp, ekonomıkanyń da mańyzdy máselelerin de qozǵaıdy. Sondyqtan, «Aq jol» partııasy elimizdiń órkendi áleýetti ekonomıkalyq damý jolyn jáne ulttyń rýhanı jańǵyrýynyń mańyzdy negizderin qoldaıdy, – dep atap ótti Merýert Qazbekova.
-Al, bıznes halyqtyń muqtaj máselelerine jaqyn bolýy kerek. Sondyqtan, jumyspen qamtý baǵdarlamalarynyń shaǵyn jáne orta bızneske naqty túrde qatysy bar. Iаǵnı, shaǵyn jáne orta bıznes salasyna qatysty salyq saıasatyndaǵy qoldanystaǵy tásilderdi qaıta qaraý qajet. Sonyń biri- jańadan qurylatyn bıznesti salyqtan bosatý máselesi» - deıdi depýtat. Ekinshiden, «Aq jol» parııasy Shaǵyn jáne orta bıznesti damytýdyń biryńǵaı tujyrymdamasyn qabyldaý qajet dep esepteıtinin de atap ótti.
Sondaı-aq, elimizdegi áıelder bıznesi salasy da aıtarlyqtaı tabystarǵa qol jetkizýde. Isker áıelder degen jańasha ataý paıda boldy. Olar óz kásiporyndaryn damytyp, iskerlikterin kórsetýde. Aýylda da áıelder bıznesi qolǵa alyna bastady. El damýyndaǵy áıelderdiń úlesi, áıelder kásipkerligin qoldaý, bıznestegi áıelderdiń ekonomıkalyq belsendiligin arttyrý-asa mańyzdy. О́ńirdegi Isker áıelder keńesinde bıznestiń ártúrli salalarynda qyzmet etetin 20 kásipker áıel bar. О́ńirlik Isker áıelder keńesiniń málimetinshe, oblysta bıznespen aınalysatyn áıelder sany 25 myńnan asqan.
Sonymen birge, Merýert Qazbekova kásipkerlermen kezdesýinde elimizdiń Parlament Májilisiniń atqaratyn jalpy jumysy týraly, «Aq jol» QDP-nyń parlamenttik fraksııasynyń qyzmeti jaıly habardar etti.
Májilistiń 6-shy shaqyrylymyndaǵy 2-shi sessııasynda «Aq joldyqtar» tarapynan zań jobalaryn talqylaý kezinde 700 usynys tússe, ár sala boıynsha 63 suranym jiberilipti. Parlament Májilisiniń otyrystarynda
Merýert Qazbekovanyń aıtýynsha «Aq joldyqtar» osy jaılar boıynsha jıi másele kótergen. Solardyń biri-elimizdegi balalar emhanasyn qaıtadan qalpyna keltirý, pedıatr mamandaryn daıarlaý sııaqty ózekti jaılar bar.
-Elbasy maqalasy bárimizge oı saldy. Soǵan saı qorytyndylar jasadyq. Rýhanı jańǵyrý – bul tek qana oı-tolǵaný emes, maqalada is júzinde iske asyrylatyn mindetter aıtylǵany belgili. О́ıtkeni, biz qundylyqtarymyzǵa negizdelgen ekonomıka jasaý jolynda birlese eńbek etip, qyzmet jasaýdamyz, – dedi depýtat M. Qazbekova
Kezdesýge jınalǵan kásipkerler depýtatqa ózderiniń ótinish-tilekterin aıtty. Sondyqtan, M. Qazbekova aıtylǵan barlyq máseleler, ótinishter qaralyp, «Aq jol» partııasy depýtattarynyń aldaǵy jumys barysynda jalǵasyn tabatynyn jetkizdi.
«Jalpy kezdesýdiń maqsaty – depýtattyń saılaýshylar aldynda esep berýi. Ekinshiden,aldaǵy jańa sessııada qyzmet jasaý úshin sizderden túsken jańa tapsyrmalar, tilekteri oryndaý, bul úlken jaýapkershilik,– dep atap ótti depýtat.
Farıda Byqaı
«Egemen Qazaqstan»
Pavloda
