Fılantrop bıznestiń áleýmettik jaýapkershiligi aıasynda osy ispettes qaıyrymdy istermen jıi aınalysatynyn jetkizdi.
Ońtústik Qazaqstan oblysy, Báıdibek aýdany kıeli jerlerimen ǵana emes, el qamy úshin qamqorlyq jasaýdan qysylmaıtyn atymtaı jomart jandardyń biri, ári biregeıi osyǵan deıin de kóptegen turmysy tómen otbasylarǵa qoldaýshy, aýqymdy is-sharalarǵa demeýshi bolyp kelgen fılantrop Oralbek Botbaı elimizdiń tarıhyndaǵy mańyzdy oqıǵa EKSPO kórmesine baramyn degen Qoshqar Ata aýylynyń úzdik oqıtyn 30 oqýshysyna jáne 10 muǵalimine kórme bıletterin tartý etti.
13 tamyz kúni bastalǵan ekskýrsııa barysynda oqýshylar kórmedegi pavılondardy aralap, ondaǵy jasyl energetıka salasyndaǵy jobalardy tamashalady. Fılantrop bıznestiń áleýmettik jaýapkershiligi aıasynda osy ispettes qaıyrymdy istermen jıi aınalysatynyn jetkizdi. Máselen buǵan deıin Astana, Almaty qalasynda oqıtyn JOO stýdentterine óz atynan shákirtaqy taǵaıyndap, kópke úlgi bolar izgi is bastaǵan. Oralbek Botbaı osyndaı qamqorlyqtary úshin «Altyn júrek» syılyǵymen marapattalǵan.
Elbasy N.Á.Nazarbaevtyń «Bolashaqqa baǵdar: rýhanı jańǵyrý» maqalasynda aıtylǵan «Týǵan jer» baǵdarlamasyn iske asyrý maqsatynda atalǵan sharany qolǵa alyp otyrmyn degen kásipker, ishki týrızmdi damytý maqsatynda oqýshylardy Býrabaı ulttyq tabıǵı saıabaǵyna da qydyrtty.
Aýyl oqýshylarynyń sózinshe bul olar úshin jasalǵan zor qamqorlyq. Jazǵy demalys ýaqytynda kórme jumysyn tamashalaý barysynda, bilimge degen yntalary ashylyp, shet tilderin meńgerýge degen qulshynystaryn jasyra almady. Al, Oralbek Qojamjarulynyń sózinshe, bul týǵan elge qoldaý tanytý maqsatynda jasalyp otyrǵan qaıyrymdylyq sharasy. Bolashaqta týyp-ósken jerime qoldan kelgenshe qyzmet etem degen ol, jýyrda Qoshqar ata aýylyna jol salyp, shet eldik ınvestorlarmen birlese otyryp, 400 úıge kúnnen qýat alatyn kóshe shamdaryn ornatýdy bastap ketti.
