"Prezıdentimiz N.Á.Nazarbaev "Bolashaqqa baǵdar: rýhanı jańǵyrý" atty maqalasynda jastarymyzdyń sapaly bilim alýymen qatar, týǵan jerdi súıýge tárbıeleıtin jobalardyń kóp bolýyn aıtqan bolatyn. Búgin balalarymyz attanǵaly turǵan saparda týǵan jerimizdiń tamasha tabıǵatymen, eńseli Elordamyzdyń eń jaqsy jerlerimen etene tanysyp, boılaryna maqtanysh sezimi ornaıtynyna senimdimin! "Ulym deıtin el bolmasa, elim deıtin ul qaıdan bolsyn" degen jaqsy sóz bar. Prezıdentimiz sizder úshin talaı ıgi isterdi istep, memlekettiń bolashaǵy tikeleı sizderge baılanysty ekendigin únemi qaıtalaýmen keledi. Sondyqtan, Elbasynyń, elimizdiń senimin aqtap, bolashaqta Qazaqstannyń týyn ustar myqty azamat bop óse berýlerińizge tilektespin!" - dedi aýdan ákimi Ǵ.Ismaılov.
Aıta keteıik, saıahat merzimi 5 kúnge deıin sozylady. Ata-ana qamqorlyǵynsyz qalǵan, áleýmettik jaǵynan az qamtamasyz etilgen oqýshylardy kórmege alyp barý úshin aýdandyq bıýdjetten 5 mıllıon 800 myń teńge qarjy bólingen, ıaǵnı ár oqýshy 38 myń 400 teńgege saıahat jasaıdy. Oqýshylar "EXPO-2017" kórmesinen bólek, "Báıterek", "QR Ulttyq murajaıy", "Dýman" oıyn-saýyq ortalyqtaryna baryp, eńseli Elordamyzdyń eń kórikti jerlerin aralaıdy. Olardyń qaýipsizdigi úshin aýdandyq Bilim bóliminiń 2 mamany, 3 pedagog-psıhologtar, 7 tárbıeshi, 3 medısına qyzmetkerleri de birge attandy. Oqýshylardyń túneýi úshin Astana qalasyndaǵy "Nur Orda" mektep-lıseıiniń "Dastandyq" jataqhanasymen kelisim jasalǵan.
