Bul týraly búgin OKQ-da ótken brıfınge QR BǴM Joǵary jáne joǵary oqý ornynan keıingi bilim berý departamentiniń dırektory Gúlzat Kóbenova málimdedi.
«Kelesi aptada mınıstrlik «Altyn belgi» ıegerleri Ulttyq biryńǵaı testileýden az ball alyp qalǵan mektepterdi tekserýdi bastap ketedi. Mektep bitirýshiler úshin bul tekseris eshqandaı zııanyn tıgizbeıdi. Alaıda zańsyzdyq anyqtalyp jatsa, mektep basshylyǵy qatań túrde jazalanady», - deıdi Gúlzat Kóbenova.
Budan buryn habarlanǵandaı, elimizde «Altyn belgi» ıegerlerine qosymsha 1487 grant bólinetin bolady. Al jıynda keltirilgen málimetterge súıensek, bıylǵy jyly oqý grantyn bólý baıqaýyna 4360 «Altyn belgi» ıegeri qatysqan.
«О́zge abıtýrıentter joǵary ball alyp ketkendikten, atalǵan 1487 bala negizgi tizimnen shyǵyp qalǵan. Sáıkesinshe, 1487 bala QR BǴM men Densaýlyq saqtaý mınıstrliginiń qarjysy esebinen oqýǵa túsetin bolady», deıdi Gúlzat Kóbenova.
