«Qoldanystaǵy zań boıynsha «Altyn belgi» ıegerleri artyqshylyq quqyǵyna sáıkes granttarmen qamtylýy kerek. Sol sebepti respýblıkalyq komıssııa atalǵan sanattaǵy abıtýrıentterge ýnıversıtterdiń, QR BǴM men Densaýlyq saqtaý mınıstrliginiń qarjysy esebinen grant bólý týraly sheshim shyǵardy. Granttandyń sany 4 prosentke, ıaǵnı 1487-ge kóbeıdi», deıdi Gúlzat Kóbenova.
Onyń aıtýynsha, «Altyn belgi» ıegerleri grantsyz qalmaıtyn kórinedi. Sonymen birge, mınıstrlik zańnamany ózgertý baǵytynda jumystardy jalǵastyrmaq.
«Biz kelesi jyldan bastap granttar tek UBT balymen, jetim jáne múmkindigi shekteýli balalarǵa, aýyldyq kvota boıynsha jáne ózge sanattarǵa ǵana bólinetindeı jumystardy júrgizip jatyrmyz», - dep atap ótti ol.
О́z kezeginde Joǵary oqý oryndary qaýymdastyǵynyń prezıdenti Rahman Alshanov bul másele aýyspaly kezeńge saı kelip turǵanyn málim etti.
«Medal ıegerleri granttardan shet qalmaıtyndaı sheshimge keldik. Úkimet osy máselege qulaq asyp, qosymsha oryndar bóldi», - deıdi Rahman Alshanov.
