Eleýsizov Aıqyn Qylyshuly 1986 jyly dúnıege kelgen. Bilimi - joǵary, Qazaq gýmanıtarlyq zań ýnıversıtetin «qarjyger» mamandyǵy boıynsha bitirip, Qazaq qatynas joldary ýnıversıtetinen ekonomıka ǵylymdarynyń magıstri ataǵyn alǵan.
Eńbek jolyn QR Qarjy mınıstrligi Qazynashylyq komıtetiniń Astana qalasy boıynsha qazynashylyq departamentinde memlekettik organdarmen jumys jasaý bóliminiń bas mamany qyzmetinen bastaǵan.
2009-2013 jyldary Qazaqstan Respýblıkasynyń Kólik jáne kommýnıkasııa mınıstrligi Halyqaralyq yntymaqtastyq jáne tranzıttik saıasat departamenti tranzıttiq saıasat basqarmasynda bas sarapshy, 2014-2016 jyldary Qazaqstan Respýblıkasynyń Investısııalar jáne damý mınıstrligi Ekonomıkalyq ıntegrasııa departamenti kólik jáne ınfraqurylym basqarmasynyń basshysy, 2016 jyldyń qazan aıynan beri Atyraý oblysy ákimi apparatynyń uıymdastyrý-ınspektorlyq bóliminiń basshysy qyzmetin atqaryp keledi.
Sondaı-aq Atyraý oblystyq Jastar saıasaty máseleleri basqarmasynyń basshysy bolyp Quspan Rollan Qabyluly taǵaıyndaldy.
Quspan Rollan Qabyluly 1987 jyly dúnıege kelgen. Bilimi - joǵary, L.N.Gýmılev atyndaǵy Eýrazııa ulttyq ýnıversıtetin «esep jáne aýdıt» mamandyǵy, Jambyl gýmanıtarlyq-tehnıkalyq ýnıversıtetin «quqyqtaný» mamandyǵy boıynsha aıaqtap, L.N.Gýmılev atyndaǵy Eýrazııa ulttyq ýnıversıtetinen aımaqtaný magıstri ataǵyn alǵan.
Eńbek jolyn 2009 jyly «Qazaqstan jastary kongresi» zańdy tulǵalar birlestiginde esepshi qyzmetinen bastaǵan.
2010-2012 jyldary «Qazaqstan jastary kongresi» zańdy tulǵalar birlestigi dırektorynyń orynbasary, 2013-2014 jyldary osy birlestiktiń atqarýshy dırektory, 2014-2015 jyldary «Jas Otan» jastar qanatynyń Respýblıkalyq qory» Korporatıvtik qory dırektorynyń orynbasary, 2016 jyldyń qyrkúıeginen beri Almaty qalalyq Jastar saıasaty máseleleri jónindegi basqarmasynyń basshysy qyzmetin atqardy.
