Qyrǵyzstannyń Premer-Mınıstri kezdesýge múmkindik týdyrǵany úshin Nursultan Nazarbaevqa alǵys bildirip, «EKSPO-2017» halyqaralyq kórmesiniń tabysty ótip jatýyna oraı quttyqtady.
– Sizge Qyrǵyz Respýblıkasyna kórsetken qoldaýyńyz úshin alǵys aıtamyn. Biz Sizdiń jáne el Úkimetiniń deńgeıinde baýyrlas Qazaqstannyń qoldaýyn árdaıym sezinip kelemiz, – dedi S.Jeenbekov.
Qazaqstan Prezıdenti memleketter basshylarynyń ózara qarym-qatynasy emes, halyqtarymyzdyń tarıhı jaqyndyǵy men olardyń bir-birine degen senimi eki el arasyndaǵy yntymaqtastyq negizin quraıtynyn atap ótti.
– Biz – kórshiles ári baýyrlas halyqpyz. Men árdaıym Qyrǵyzstan bolashaǵynyń jarqyn bolýy úshin múmkindiginshe qajetti qoldaý kórsetetin bolamyn. Ekonomıkalyq turǵydan damý úshin saıası turaqtylyqtyń bolýy mańyzdy. Biz árdaıym qyrǵyz halqymen birgemiz. Qyrǵyzstanda prezıdent saılaýy bolǵaly jatyr. Qyrǵyz halqy saılaǵan Prezıdentpen birge jumys isteıtin bolamyz, – dedi Memleket basshysy.
