Sondaı-aq ol qoǵam arasynda qyzý pikirtalas týdyrǵan memlekettik bilim berý granttarynyń bólinýine qatysty túsinikteme berdi.
«Biz grantty ekonomıkanyń basym baǵyttary boıynsha bólemiz. Máselen, esepteý tehnıkasyna – 610, quqyqtanýǵa – 45 grant beremiz. Jalpy medısınaǵa – 2,5 myń grant bólsek, stomatologııaǵa bar bolǵany – 45. Munyń barlyǵy túrli damý baǵdarlamalarynda bekitilgen. Sáıkesinshe, jyl saıyn joǵary ball jınaǵandar belgili bir mamandyqqa grantqa túse almaı qalady, al tómen ball jınaǵandar kersinshe grant ıegeri atanady, – dedi Erlan Saǵadıev. – Onyń ústine, qajetti mamandyqtar sany óte kesh shyǵady jáne talapker óz múmkindikterin baǵamdap úlgermeıdi. Balaǵa beıindi pánin tańdap, sol boıynsha daıyndalýy úshin ýaqyt kerek. Bul másele boıynsha mınıstrlik birqatar sheshimder usynady. Máselen, mamandyqtar boıynsha bólinetin granttar sanyn úsh jyl buryn jarııalaý kerek. Muny úshjyldyq bıýdjet aıasynda jasaýǵa bolady».
Sonymen qatar, mınıstr bilim berý granttaryn jeńildikpen berý máselesin de qozǵady.
«Búginde «Altyn belgi» boıynsha áleýmettik ádildik máselesi ótkir tur. Bıylǵy granttar «Altyn belgi» faktorysyz, UBT-da jınaǵan ball boıynsha berildi. Odan keıin respýblıkalyq komıssııa «Altyn belgi» alǵan talapkerler aldyndaǵy mindettemelerin oryndaýy úshin shamamen 4% grant qosty. О́tken jyly da «Altyn belgi» ıegerlerin JOO granttary boıynsha ornalastyrýǵa májbúr bolǵan edik. Endi bıyl zańnamalyq ózgerister engizýdi josparlap otyrmyz», – dep atap ótti mınıstr.
