Atap aıtqanda, 2015 jyldan búgingi kúnge deıin palata tarapynan 13 myńnan asa shaǵyn jáne orta bıznes ókilderi tegin qyzmet túrlerin alǵan. Al, bıylǵy jyldyń basynan 3 myńnan asa kásipkerge 5491 qyzmet túri kórsetildi. Bul týraly búgin óńirlik palatanyń dırektory Asqar Ábýbákirov OQO О́ńirlik kommýnıkasııalar qyzmetinde ótken baspasóz máslıhatynda málimdedi.
Onyń sózinshe, kásibin dóńgeletip júrgender kóbinde jer telimin alý men salyq tólemderine qatysty jáne kedendik rásimder júrgizý boıynsha kómek surap jatady eken. Sondaı-aq túrli tekserýler men orynsyz aıyppul salý jaǵdaılary da kásipkerlerdi sharshatyp otyr. Osyndaı keleńsizdikterdi boldyrmas úshin endi Kásipkerlik palatasy arnaıy «call-ortalyǵynyń» qyzmeti men watshap jelisi arqyly baılanys nómerin usynyp otyr. Iаǵnı kez-kelgen bıznes ókili ózin mazalaǵan suraqtar men usynys pikirlerin habarlasyp, aıta alady.
«Bıznes-jospardy tegin jasap beremiz. Sonymen qatar, qandaı qarajat qujattaryn jınaý kerek, ony da tolyqtaı túsindirip, kásipkermen birge jınaımyz. Sebebi, qazirgi tańda sharýalar ol týraly bile bermeıdi. Sol sebepten, bizdiń maqsatymyz aýdandarǵa tikeleı kómektesý, osy jobalardy júrgizip, qarjysyn alyp berý», - dedi OQO Kásipkerlik palatasynyń dırektory Asqar Ábýbakirov.
Budan bólek, Asqar Ábýbákirov palata ishinen Qytaı elimen kásipkerlik baılanysty nyǵaıtýǵa kómektesetin maman baryn habarlady. Kúnshyǵys elinde 20 jyl boıy turǵan azamat endi kúngeılik kásipkerlerge saýda jasaý men qujattar rásimdeýge de qolǵabys etetinin aıtyp otyr.
