Kezdesý barysynda Qazaq ulttyq agrarlyq ýnıversıtetiniń rektory joǵary oqý ornynyń qyzmeti men damý perspektıvasy jóninde málimdedi.
– Biz búginde on bir halyqaralyq konsorsıýmǵa múshemiz. 2015 jyldan bastap QS EESA («Damýshy Eýropa jáne Ortalyq Azııa») tujyrymy boıynsha álemniń úzdik ýnıversıtetteriniń reıtıngine qatysyp, osy baǵalaý aıasynda alǵashqy jyly 150 joǵary oqý ornynyń ishinen 67-orynǵa ıe boldyq. Qazirgi ýaqytta ýnıversıtette 50-ge jýyq ǵylymı joba iske asyrylýda, – dedi T.Espolov.
Sonymen qatar, Memleket basshysyna otandyq agroónerkásiptik keshendi ınnovasııalyq damytýǵa múmkindik beretin ýnıversıtettiń agrotehnologııalyq habynyń qyzmeti jóninde aıtyldy.
– Bul hab jańa tehnologııalardy, ıdeıalar men startap jobalardy izdestirýge, olardy tartýǵa jáne engizýge, sondaı-aq, memleket-jekemenshik áriptestiginiń tetikterin iske asyryp, ýnıversıtettiń ózin ózi qarjylandyrýyn jáne derbestigin qamtamasyz etýge arnalǵan, – dedi Qazaq ulttyq agrarlyq ýnıversıtetiniń rektory.
Qazaqstan Prezıdenti elimizdiń aýmaǵynda aýyl sharýashylyǵy salasyndaǵy ǵylymı ortalyq qurý qajet ekenin atap ótti.
– Ǵylymı zertteýlerdiń nátıjelerin engizý men mamandardy daıarlaýdyń tıimdiligin arttyrǵan jón. Sondaı-aq, agroónerkásiptik keshenniń báseke-
ge qabiletti, eksportqa baǵyttalǵan ónimderiniń kólemin arttyrý kerek, – dedi Nursultan Nazarbaev.
Sýretter Prezıdenttiń baspasóz qyzmetinen alyndy
