«Infraqurylym boıynsha Astana men Almaty qalalarynda jeke turǵyn úı salynbaıdy. Biraq burynnan bastalyp ketken Ilınka jaǵyna qaraı ınfraqurylym tartylyp jatyr. Ol jerge bıyl 8 mlrd teńgedeı qarjy bólindi. Jyl sońyna deıin jumystar aıaqtalady. Jalpy, bas josparlar boıynsha Astana, Almaty qalalarynde jekemenshikke jerler qarastyrylmaǵan, al oblys ortalyqtarynda, barlyq eldi mekenderde jer telimderi bar, ıaǵnı 10 sotyqtan berilýde. Qarqyndy túrde Mańǵystaý, Qyzylorda, Aqtóbe oblystarynda jekemenshikke ınfraqurylym tartylýda»,-komıtet tóraǵasy.
Onyń sózine qaraǵanda, bıylǵa 60 jer ýchaskesin berý josparlansa, onyń 23 myńy azamattarǵa berilgen. Bul jer telimderine ınfraqurylym tartylyp boldy.
«Jyl saıyn osy baǵytqa 80 mlrd teńge qarjy bólinip otyr. 15 jyldyń ishinde 1 trln 200 mlrd qarjy ıgerilmek. Jalpy, 15 jylda 600 myńnan astam jer telimi beriledi dep kútilýde. Bıylǵy jeti aıdyń ishinde 23 myń jer ýchaskesi berildi. Jyl sońyna deıin jospar boıynsha barlyq 60 myń jer telimi el turǵyndaryna tapsyrlady dep kútilýde», - dedi Jaıymbetov.
