Búgin QR Densaýlyq saqtaý mınıstri Eljan Birtanovtyń qatysýymen Astanada elimizdegi densaýlyq saqtaý salasynda atqarylǵan jumystardyń alǵashqy jartyjyldyǵy qorytyndylanyp jatyr. Jıynda medısınalyq qurylǵylardy jańartý, bıýdjettik qarjyny paıdalaný, medısınalyq kadrlarmen qamtamasyz etý máseleleri boıynsha óńirlerdiń kórsetkishteri saraptalýda.
«2016-2019 jyldarǵa arnalǵan «Densaýlyq» baǵdarlamasy boıynsha negizgi kórsetkishter qalypty. 2016 jyldyń qorytyndysy boıynsha qazaqstandyqtardyń ómir súrý uzaqtyǵy 72,3 jasqa jetti. О́tken jyldyń osy kezeńimen salystyrǵanda (6 aı boıynsha) ana ólimi 10,8 prosentke azaıdy. О́lim jaǵdaılary ınfarkttan 5,5 %-ke, qaıǵyly jaǵdaı men jaraqat alýdan 8,6%-ke, týberkýlezden 32,2 %-ke tómendedi», - deıdi DSM vıse-mınıstri Alekseı Soı.
Jıyn barysynda «Densaýlyq» baǵdarlamasy boıynsha negizgi kórsetkishteri tómen óńirlerdiń densaýlyq saqtaý basqarmasynyń basshylary baıandama jasap jatyr.
