О́rt sóndirý estafetasy árqaısysy 100 metrlik 4 kezeńnen quralyp, sportshylar qoldarynda estafetalarymen (órt sóndirý oqpany) tórt kezeńdi júrip ótti. Birinshi kezeńde sportshylar úıshiktiń shatyryna tetik-satynyń kómegi arqyly kóterilse, ekinshi kezeńde 2 metrlik dýaldan ótti. Úshinshi kezeńde tútikqubyrdy qosaqtap, býmnan júgirip ótip, tútikqubyrdy óristetilýge jalǵaıdy jáne ony jolaqqa ornalastyrdy. Márege jeter – tórtinshi kezeń kórinistik qozǵalyspen aıaqtaldy – qatysýshylarǵa órt sóndirgishpen jaıpaq tetiktegi janyp jatqan suıyqtyqty sóndirý mindettelgen.
Jarystyń birinshi kúniniń qorytyndysy boıynsha jalpykomandalyq synaqta birinshi orynǵa 1:00:12 nátıjesimen Mańǵystaý oblysynyń komandasy ıe boldy, ekinshi oryndy1:00:49 nátıjesimen Pavlodar oblysynyń komandasy, úshinshi oryndy 1:00:68 nátıjesimen Astana qalasynyń qurama komandasy aldy.
Chempıonattyń birinshi kúniniń aıaqtalý sheginde Qazaqstan Respýblıkasy О́rt sóndirýshiler men qutqarýshylardyń dırektory D. Danaev barlyq komandalardyń qatysýshylaryn, saıyskerler men jattyqtyrýshylaryn úzdik sporttyq nátıjeler úshin, ádil saıys pen jigerlilik tanytqandary úshin, jarystyń alǵashqy kúni joǵary uıymdastyrýshylyq dárejede ótkendigin atap otyryp, alǵysyn bildirdi. Sportshylar, jattyqtyrýshylar, jankúıerler, kórermender – osy orasan zor sharaǵa qatysqandardyń barlyǵy ózderin úlken jáne úılesimdi komandalardyń qatarynan sezindi, delingen baspasóz habarlamasynda.
Gúlaıym ShYNTEMIRQYZY,
«Egemen Qazaqstan».
Mańǵystaý oblysy
