Konferensııaǵa halyqaralyq jáne jergilikti din konfessııalarynyń ókilderi qatysty.
Kún tártibinde «ortaq úıimizdi» qorǵaý jáne «jasyl» energııany damytýǵa álem dinderiniń úles qosýy máseleleri talqylandy. Osyǵan baılanysty din kóshbasshylary ortaq úıimizge qatysty eń kúrdeli máselelerdi sheshý úshin kópvektorly basqarý qurý boıynsha halyqaralyq jáne aımaqtyq atsalysýdyń mańyzdylyǵyn atap ótti.
QR Din isteri jáne azamattyq qoǵam boıynsha mınıstri qatysýshylardy qarsy alyp, alǵash bolyp sóz sóıledi. О́z sózinde ol eki el basshylarynyń – Nursultan Nazarbaev pen Papa Rımskıı Fransıskonyń arasyndaǵy ornaǵan jaqyn ári senimdi qarym-qatynastyń mańyzdylyǵyn atap ótti.
– Búginde Vatıkan Apostoldyq nýnsıatýra atynan elde beıbitshilik pen ulystar arasynda kelisim ornatýda Qazaqstannyń mańyzdy seriktesi bolyp tabylady. Bizdiń halqymyzdyń mádenıet pen rýhanı ómiriniń damýynda óz róli bar. Bıyl biz Qazaqstan men Vatıkan arasynda dıplomatııalyq qatynastyń 25 jyl ornaǵanyn atap ótemiz. Biz bul mańyzdy halyqaralyq forýmda din ókilderiniń tájirıbeni jalǵastyra otyryp, belsendi qatysatyndaryna, joǵary dárejede ótetinine senim bildiremiz, - dedi mınıstr N.Ermekbaev.
О́z kezeginde kardınal Pıter Kodvo Appıah Tarkson forýmnyń ótýine qoldaý tanytqany úshin alǵysyn bildirip, barlyq adamdar januıasy qyzmetinde qajetti «Bolashaqtyń energııasy» júıesiniń mańyzdylyǵyn tilge tıek etti.
Forým sońynda qatysýshylar sharany ótkizý Qazaqstan men qatysqan ulystar ókilderi arasyndaǵy qarym-qatynas tarıhyn nyǵaıtýǵa aıtarlyqtaı úles qosady degen pikir bildirdi.
