Pavlodar oblystyq bilim berý basqarmasynyń málimetinshe, óńirde úsh tilde bilim beretin mektepterdi kóbeıtý maqsatynda jyl boıy nátıjeli jumystar atqarylypty. Jańartylǵan bilim berý mazumunynyń negizgi baǵyttarynyń biri – úsh tilde oqytýdy damytý basty nazarda. Mektep oqýshylaryn fızıka, hımııa pánderin aǵylshyn tilinde oqytýǵa daıyndalýda. Oqýshy mektepten shyqqanda álemdik deńgeıdegi básekelestik qabilettiligin kórsete bilýi kerek. Mysaly, ótken oqý jylynda pán olımpıadalarynda óńirimizdiń bilimdi oqýshylary jınaǵan medal sany 219-dy quraıdy. Halyqaralyq olımpıadalardaǵy 48 medaldiń 13-i altyn, 14-i kúmis jáne 21-i qola. Respýblıkalyq deńgeıdegi medal sany – 171. Onyń 27-si altyn bolsa, 57-si kúmis jáne 87-si qola. Jaratylystaný-matematıka baǵytyndaǵy pánderinde aǵylshyn tilin qoldanatyn Qymbat Baıdarbesova, fızıka páni muǵalimi Almagúl Qabylbekova, ınformatıka páni muǵalimi Gúlnar Jumadilova, bıologııa páni muǵalimi Gúlmıra Baıbekova, bıologııa páni muǵalimi Evgenııa Ivanova, fızıka páni muǵalimi Darıa Andrıýshenko sııaqty tájirıbei ustazdar da bar eken. Jańa oqý jylynda óńirdegi 66 mektepte jaratylystaný-matematıka baǵytyndaǵy pánder aǵylshyn tilinde júrgizile bastaıdy. Al, oblystaǵy 342 mektepte 5-10 synyptyń oqýshylary úshin jazǵy til lagerleri uıymdastyrylyp,7 myńnan astam oqýshy qazaq tilin, 8600 oqýshy aǵylshyn tilin úırenipti.
Farıda Byqaı,
«Egemen Qazaqstan»
Pavlodar oblysy,
