Bul jekpe-jektiń jóni bólek

Saýl Alvarestiń (49-1-1, 34 KO) promoýteri Oskar De La Hoııa Gennadıı Golovkınge (37-0, 33 KO) qarsy jekpe-jek shartynyń keı­bir bólimine qatysty piki­rin bildirdi. «Birden aıtaıyn, jek­pe-jek orta salmaqta, ıaǵ­nı 160 fýntta ótedi. Eki boks­shy da 10 mólsherli qolǵappen ju­dy­ryq­tasady. Regıdratasııa jó­nin­de tarmaq joq. Bul 160 fýnt­taǵy qa­rapaıym jekpe-jek. Bary osy ǵana».

Tvıtterde boks týraly jazatyn ataqty Boxing Kingdom p­araq­shasy oqyrmandar arasyn­da Golovkın-Alvares jek­pe-je­gine oraı saýalnama uıym­das­tyr­dy. Saýalnamaǵa qatysqan 1835 oqyrmannyń 60 paıyzy Golovkın jeńedi dese, 40 paıyzy Alvarestiń jeńisine senedi.

Boxingnews24.com jýr­na­lısi Den Embroýz Gennadıı Golov­kın­niń dene  jaǵynan meksı­kalyq Saýl «Kanelo» Alvaresten úl­ken­d­igi oǵan basymdyq bere­ti­nin atap ótti. «Kanelonyń» Go­lov­kınnen kishi ekenin jek­sen­bi kúngi keshte kórdik. Saýl Gennadııge boı men salmaq jaǵynan utylady. Menińshe, Golovkın áli jattyǵýyn bas­ta­maǵan. Sonda da, ol dál qazir Al­varesten iri. Bálkim, Oskar De La Hoııa eki jyl buryn Saýl orta salmaqtyń boksshysy emes dep durys aıtqan shyǵar. Eger, «Kanelo» 160 fýnttyń úz­­dikterimen judyryqtasatyn bol­­sa, sátsizdikke ushyraýy múm­kin. Nátıjesinde, Golden Boy ózderine qolaıly birinshi orta salmaqqa qaıta túsedi», deıdi avtor.

Golden Boy Promotions ókili Oskar De La Hoııa álemniń 12 dúrkin chempıony kishi Floıd Meıvezerge karerasyn qaıta jalǵastyrýdy jáne Golovkın-Alvares jekpe-jeginiń jeńim­pa­zymen kezdesýdi usyndy. «Mak­Gregordy umyt. Ol jigitte boks­tan eshqandaı tájirıbe joq. Floıd, tyńda, eger jekpe-jek ótkizgiń kelse, «Kaneloǵa» qa­rym­ta kezdesýge múmkindik ber ne­mese Golovkınmen jekpe-jek ótkiz», deıdi ol.

­LA Times jýrnalısi Lens Pıgmaerdiń aıtýynsha, Gennadıı Golovkın men Saýl Alvares ara­syndaǵy jekpe-jektiń keli­sim­­shartynda qarymta jek­pe-je­gi qarastyrylǵan. Sharty my­­­nadaı: eger bul kezdesýde Go­lovkın jeńiske jetse, «Ka­ne­lomen» qarymta jekpe-jek ót­­kiz­edi. Al Alvares jeńetin bol­­sa, onda ol ózine kez kelgen bok­s­­shyny qarsylas etip tańdaı ala­­dy jáne qarymta jekpe-jek ót­­kizýge mindetti emes.

16 qyrkúıektegi jekpe-jek­te WBA, WBC, IBF, IBO já­ne The Ring jýrnalynyń tıtý­ly sarapqa salynady. Ol kú­ni Gennadıı Golovkın WBA sý­per­chempıondyq belbeýin 18-shi, WBC belbeýin 3-shi, IBF bel­beý­in 4-shi, IBO belbeýin 16-shy ret qorǵasa, Alvares The Ring jýrnalynyń tıtýlyn 2-shi ret qorǵaıdy.

Álem jankúıerleri asyǵa kútip júrgen jekpe-jek AQSh-tyń Las-Vegas qalasyndaǵy T-Mobile arenasynda ótetin bol­dy. Bul Golovkınniń Las-Ve­gastaǵy tuńǵysh, al AQSh-taǵy 11-shi jekpe-jegi bolmaq. Arena­nyń syıymdylyǵy – 20 000 adam. Al jýyrda ǵana Golovkın-Alvares kezdesýiniń aldyn ala bıletter baǵasynyń quny jarııalandy. Sheteldik BAQ-tyń jazýynsha, kezdesýdiń eń qymbat bılet baǵasy – 1500 dollar bolsa, eń arzan bılet 100-200 dollar arasynda bolýy múmkin.

16 qyrkúıek – Meksıka mem­leketiniń táýelsizdik kúni. 1810 jyl­dyń dál osy kúni Ispanııa­dan táýelsizdigin alý úshin soǵys bas­taǵan bolatyn. «Kanelo» soń­ǵy ýaqytta negizgi jekpe-jek­terin Meksıkanyń eki uly me­re­kesi qarsańynda ótkizip júr. Bi­rinshisi, táýelsizdik kúni bolsa, ekinshisi mamyr aıyndaǵy «Sınko de Maıo» (Besinshi mamyr) merekesi.

Brıtandyq boxrec saıtynyń reı­tıngi boıynsha, eki salmaq dá­re­jesindegi birinshi oryn ıe­ge­rleriniń aıqasy bolmaq. Golov­kın 160 fýnt (72,500 kılo), Alvares 154 fýt (69,900 kılo) sal­maǵynyń úzdigi. Jekpe-jek or­ta salmaqta, ıaǵnı 160 fýntta ótedi. Jeńiske jetken boksshy orta salmaqtyń koroli atanady.

Álı BITО́RE,
«Egemen Qazaqstan»