Álem halyqtarynyń 40 %-nan astamy latyn negizdi jazý túrin paıdalanady. Elbasy N.Á.Nazarbaev halyqqa Joldaýynda «Qazaq alfavıtin 2025 jyldan bastap latyn grafıkasyna kóshirý úshin daıyndyqty osy bastan qolǵa alý qajet. Bul qazaq tilin jańǵyrtyp qana qoımaı, ony osy zamanǵy aqparat tiline aınaldyrady» degen bolatyn. Anyǵynda, osy álipbıdi tutynýshy elderdiń álemdik órkenıet pen mádenıettegi, ǵylym men tehnıka, medısına, t.b. salalardaǵy jetistikteri men ónimderi de joǵary nátıjede ekendigin kórip otyrmyz. Demek, elimizdiń álem elderimen básekege túsýine latyn álipbıine negizdelgen qazaq jazýy kerek. Qazaq ultyna qajetti nárse jalpy zııatkerlik pen álemdik deńgeıdegi bilim. Al bularǵa bastar qadam jaqyn ýaqytta latyn álipbıine kóshý dep esepteımiz. Uıaly baılanystaǵy habarlamalar men ınternet júıesi boıynsha habarlamalardyń kópshiligi osy grafıkamen jazylýda, sondyqtan latyn álipbıin meńgerý qıynǵa túspeıtini anyq.
Latyn grafıkasyna negizdelgen álipbı júıesiniń tıimdiligin tilshi ǵalymdardyń kópshiligi qoldap otyr.
Sonymen, latyn álipbıine kóshý – tilimizdiń tabıǵı qalpyn saqtaýy úshin, qazaq tilinde kompıýterlik jańa tehnologııalar arqyly halyqaralyq aqparat keńistigine enýine jol ashylyp, elimizdiń jańa zaman talabyna saı ósip-órkendeýi jáne sheteldegi qazaqtarmen rýhanı, mádenı, ǵylymı, ekonomıkalyq qarym-qatynasty nyǵaıtý úshin de tıimdi bolmaq.
Gúlnaz KÁRIPJANOVA,
S.Toraıǵyrov atyndaǵy Pavlodar memlekettik ýnıversıtetiniń professory, fılologııa ǵylymdarynyń kandıdaty
