Mınıstrge Astana qalasy máslıhatynyń depýtattarynan suraq kelip tústi. Saýal negizinde Qazaqstanda qurylys salasynyń qarqyndy túrde júrgizilip jatqanyna qaramastan, ókinishke qaraı, shyny shyǵaratyn zaýyt joqtyǵy aıtyldy.
«Siz kórsetken slaıdta Almaty oblysynda shyny zaýyty týraly kórsetildi. Biraq, 5 jyl buryn Qyzylorda oblysynda shyny shyǵaratyn zaýyttyń qurylysy bastalǵan bolatyn. Biz ony kúttik. EKSPO-ny otandyq áınektermen jasaımyz dep te úmittengenbiz. Men osy rette Qyzylordadaǵy áınek shyny týraly suraq qoıǵym keledi. Zaýyt qurylysy qaı deńgeıde jáne biz otandyq áınekterdi qurylysta qashan qoldana bastaımyz? Sebebi, qazirgi ýaqytta áınekti biz ımporttap otyrmyz», - dedi qalalyq máslıhattyń ókili. Atalǵan suraq boıynsha mınıstr tıisti jumystar atqarylyp jatqanynan málim etti.
«Almaty Steklo» tamaq ónerkásibine arnalǵan kásiporyn. Al Siz aıtqan Qyzylordadaǵy kásiporyn boıynsha ózderińiz biletindeı másele bolǵan. Osy jyldyń basynda birqatar jumystar toqtatylǵan. Biraq, búgingi kúni úrdis qaıta jandana bastady. Qurylys kompanııalary, demeýshiler men aqsha bólgeli otyrǵan bankter jumysyn qaıta bastap ketti. Kelesi jyldyń alǵashqy jartyjyldyǵynda zaýyt jumysyn bastaıdy dep kútip otyrmyz», - dedi Jeńis Qasymbek.
