Baspasóz konferensııasynda oblys basshysy Nursultan Nazarbaevtyń tapsyrmalarynyń oryndalý barysy týraly baıandap, EKSPO-2017 xalyqaralyq mamandandyrylǵan kórmesi Mańǵystaý oblysyna ekonomıkalyq dıversıfıkasııaǵa, óndiristik qýattardy jańartýǵa, jańa tehnologııalar men ınvestısııalardy tartýǵa qýatty serpin bergenin aıtty.
«EKSPO-2017 kórmesi aıasynda Túrkııa men Qytaıdyń transulttyq kompanııalarymen jáne 20-dan astam eldiń 40 delegasııasymen kezdesýler ótti. Mańǵystaý oblysy ákimdigi ınvestısııa kólemi 1,5 mlrd. AQSh dollaryn quraıtyn 7 memorandýmǵa qol qoıdy, - dedi oblys ákimi, - Qol qoıylǵan memorandým aıasynda «Reach Energy» malazııalyq kompanııasy Mańǵystaýda tabıǵı gazdy suıytatyn zaýyt qurylysyn bastap ketti.»
Negizgi kapıtalǵa salynǵan ınvestısııalar kólemi 2016 jylmen salystyrǵanda 28,6 %-ǵa ósip, 110,8% qurady. Shaǵyn jáne orta bıznespen aınalysatyn kásipkerler sany ótken jylmen salystyrǵanda 2000-ǵa artqan.
EKSPO kórmesinde kórsetilgen «jasyl» jobalardyń birqataryn Mańǵystaý oblysynda engizý josparlda. Olar Qalamqas ken ornynda, «QazMunaıGaz» BО́» AQ, «О́zenmunaıgaz» AQ jumysynda qoldanylatyn bolady.
«EKSPO-2017 taqyryby - «Bolashaqtyń energııasy» ekologııa máselesine jańa kózqaraspen qaraýǵa múmkindik berdi, bul bizdiń aımaqtyń ózekti máselesi», - dedi Mańǵystaý oblysynyń ákimi Eraly Toǵjanov.
Oblys ákiminiń paıymdaýynsha, IýNESKO-nyń jahandyq geopark mártebesin ıelený úshin aýmaqty zerttep, IýNESKO-da tańdalǵan jerlerge nomınasııalaý jumystary júrgizilýde. Sonymen qatar, sheteldik jáne otandyq týroperatorlarǵa jáne BAQ ókilderine arnalǵan ınfotýr, ınvestısııalyq forým ótkenin jetkizdi. Taǵy bir aıta ketetin jaıt, Nomad Explorer komandasynyń bastamasymen M.Seısembaevtyń basshylyǵymen «Ústirt qupııasy» atty avtoekspedısııa uıymdastyryldy. Oblysta demalys aımaǵyn salý úshin bólingen jaǵalaý aımaǵyn jaqsartý boıynsha jumystar júrgizilýde.
Eraly Toǵjanov aımaq turǵyndarynyń halyqaralyq Kórmege kelýi týraly aıtyp ótti. Mańǵystaý oblysy men Astana qalasynyń qashyqtyǵyna qaramastan, EKSPO-2017 kórmesi kezeńinde 80 040 mańǵystaýlyq (jospar boıynsha - 65 myń adam) barǵan. Onyń 14 120 - mektep oqýshylary, kolledjder men JOO stýdentteri jáne eriktiler.
«Kórme aıaqtalǵannan keıin oqýshylar men stýdentter balamaly energııa kózderi men ınnovasııalyq tehnologııalar salasynda 20-dan astam jobany bastady, bul balalar sanasynyń ózgerýin dáleldeıdi. Mysalǵa, 5 balabaqsha men 2 mektepte energııa únemdeý jobasy elektr qýaty shyǵyndarynyń 40% tómendeýine ákeldi,» dedi óńir basshysy.
