«О́rleý» baǵdarlamasynyń tıimdiligin kórgen kópbalaly ananyń biri - Shynar Sattarova memleketten 450 myń teńge demeý qarjy alyp, Jetisaı qalasynan dámhana ashypty.Qazir munda 5 adam jumyspen qamtylǵan.
«Memlekettiń «О́rleý» jobasyn qolǵa alǵany biz sekildi kópbalaly analarǵa mol múmkindik berip otyr. Men óz basym osy jobany paıdalanyp, kásip ashýǵa bel býdym. Ázirge nátıjesi jaman emes. Halyqqa sapaly qyzmet kórsetip, alǵashqy tabystarymyzdy kóre bastadyq», - deıdi "Qanat" dámhanasynyń basshysy Shynar Sattarova.
Munan soń BAQ ókilderi Maqtaral aýdany Sh.Dildábekov aýyldyq okrýgi Birlik aýylyna atbasyn buryp, Elbasynyń «Bolashaqqa baǵdar: rýhanı jańǵyrý» maqalasynda aıtylǵan «Týǵan jer» baǵdarlamasy aıasynda ashylǵan "Jastar" sport kesheniniń jumysymen tanysty. S.Qojanov mektebiniń bazasynda ornalasqan keshenniń qaıta qurylymdaý jumystaryn osy aýyldyń týmasy kásipker Abyz Alıpov óz qarjysyna júrgizipti. Munda aýyl jastary bir ýaqytta sporttyń voleıbol, basketbol, fýtbol túrlerimen aınalysa alady. Aldaǵy ýaqytta kásipker osy aýyldan sý sporty keshenin salyp berýdi josparlap otyr eken.
Budan bólek, Abyz Alıpov "Birlik" aýylynyń kireberisine qaqpa turǵyzyp, aýyldaǵy baspanasyz júrgen jaǵdaıy tómen otbasyǵa quny 5 mıllıon teńgelik jańa baspana salyp beripti.
