Keleli keńeske Ázerbaıjan Syrtqy ister mınıstri E.Mamedıarov, Túrkııa Syrtqy ister mınıstri M. Chavýshoǵlý, Qyrǵyzstan Syrtqy ister mınıstri E.Abdyldaev jáne Túrki keńesiniń Bas xatshysy R.Hasanov qatysty. Jıynda Túrki keńesiniń kezekti Sammıtiniń ýaqyty men kún tártibi talqylanyp, keńestiń atqarǵan jumystaryna baǵa berildi.
2015 jylǵy 11 qyrkúıekte Astana qalasynda ótken Túrki keńesiniń V Sammıtiniń sheshimin damytý qadamdary men Qyrǵyzstannyń memleket basshysymen bolatyn kezekti kezdesýdiń daıyndyǵyna basa nazar aýdaryldy.
Sonymen birge mınıstrler Túrki keńesi men BUU jáne onyń mamandanǵan mekemelerimen, halyqaralyq jáne aımaqtyq uıymdary arasyndaǵy yntymaqtastyqty keńeıtý jaıyndaǵy suraqtardy qarastyrdy. Qatysýshylar Túrki keńesiniń BUU jáne IYU sııaqty halyqaralyq uıymdarda baqylaýshy mártebesin alýǵa ótinish berýge baılanysty atqarylatyn kelesi qadamdardy maquldady. Halyqaralyq Túrki akademııasyna Majarstan (Vengrııa) tarapynyń baqylaýshy mártebe alý týraly usynysy maquldanyp, Túrki keńesiniń aldaǵy Sammıtiniń kún tártibine engizildi.
Túrki keńesiniń bas hatshysy Ramılıa Gasanovtyń ókilettilik merzimi aıaqtalýyna baılanysty Qazaqstan memleketi tarapynan jańa bas hatshy laýazymyn taǵaıyndaý kelisildi, qyzmetke kirisý merzimi qosymsha maquldanatyn bolady.
2009 jylǵy 3 qazanda Nahchyvan qalasynda (Ázerbaıjan Respýblıkasy) ótken Túrkitildes memleketter basshylarynyń IH Sammıtinde QR Prezıdenti N.Á.Nazarbaevtyń bastamasymen Túrkitildes memleketter yntymaqtastyǵy keńesin qurý týraly kelisimge qol qoıyldy. Túrki keńesine Ázerbaıjan, Qazaqstan, Qyrǵyzstan jáne Túrkııa memleketteri múshe.
