Jyr dodasyn Aıtys aqyndary men jyrshy-termeshilerdiń halyqaralyq odaǵynyń tóraǵasy, «Qazaqstannyń eńbek sińirgen qaıratkeri» Júrsin Erman júrgizdi.
Alty saǵatqa sozylǵan alaman aıtystyń nátıjesi boıynsha bas júlde qaraǵandylyq aqyn Maqsat Aqanovqa buıyryp, 1,5 mıllıon teńge tabystaldy. Birinshi oryndy Aspanbek Shuǵataev (1 mıllıon teńge), ekinshi oryndy Erkebulan Qaınazarov (700 000 teńge) enshilese, úshinshi oryndy (500 000 teńge) Dıdar Qamıev pen Ásem Ereje ózara bólisti. Arnaıy júlde (300 000 teńge) Aıbek Qalıevke buıyrdy.
Sóz saıysyna Ǵalym Jaılybaı, Arman Qanı, Dáýletkereı Kápuly syndy sóz zergerleri qazylyq etip, baǵasyn berdi. Sonymen qatar, aýdan basshysy Orazgeldi Qaıyrgeldınov aıtys óneriniń atasy atanǵan kórnekti aqyn Júrsin Ermanǵa «Baıanaýyl aýdanynyń qurmetti azamaty» tósbelgisin saltanatty túrde tabys etti. Dál osyndaı ataq Qazaqstannyń Eńbek Eri, Qazaqstannyń halyq ártisi Asanáli Áshimovke de berildi.
Raýan QAIDAR,
«Egemen Qazaqstan»
