400 metrlik jolǵa, hokkeı kortyna muz qatyrý prosessi ozyq tehnologııa men joǵary sapaly materıaldardy qoldaný arqyly júrgizilip jatyr. Arenaǵa «Alaý» logotıpi men muz aıdynynyń tumary Alaýlıka sýreti ár bermek. Muz aıdynnyń jalpy aýmaǵy - 9 200 sharshy metr, mundaı aýqymdy aýmaq úshin 460 tonna sý qajet.
Muz quıý jumystary bir aptadan soń aıaqtalady. Al 2017 jyldyń 30 qyrkúıeginde saraı jappaı syrǵanaý áýesqoılary úshin esigin aıqara ashady.
О́tken jylmen salystyrǵanda oqýshylar men stýdentter jáne zeınetkerler úshin kirý baǵasy kez kelgen seansqa 500 teńgege deıin arzandatylǵan. Budan bólek 7 jasqa deıingi balalarǵa, kópbalaly otbasy balalaryna, balalar úıiniń tárbıelenýshilerine, I jáne II toptaǵy múgedekter úshin kirý tegin.
Jappaı syrǵanaý alty kúndik rejimde ótedi: jumys kúnderi úsh saǵattyq bir seans 19:00-den 22:00-ge deıin, demalys kúni - 5 seans josparlanǵan. Dúısenbi - tehnıkalyq demalys kúni.
Aıta ketý kerek, jyldan-jylǵa «Alaý» muz saraıynda jappaı syrǵanaý tanymaldylyǵy artyp keledi. 2016-2017 jyl maýsymy kezinde jappaı syrǵanaýǵa 160 myń adam kelgen. Bul joba júzege asyrylǵannan beri eń joǵary kórsetkish bolyp tabylady.
