2,5 km jáne 5 km jarysqa barlyǵy 150-den astam adam qatysty. Budan basqa, arbasy bar jas analar men rolıkteri bar qatysýshylar jyldamdyqqa jarysty. 5 km qashyqtyqty eńsergen múgedek arbasyndaǵy marafonshy Arkadıı Gýbarevtyń nátıjesi erekshe atalyp ótti.
5 km qashyqtyqtaǵy jeńimpazdar Manat Amet, Murat Aýbakırov, Ford Djeremaıa, Úmıda Burhanova, Aınur Malıkova jáne Vıktorııa Elmaz boldy.
2,5 km qashyqtyqtaǵy júldeni Krıstına Islamova, Lıýsı Mechova jáne Anna Hochet enshiledi. Mektep oqýshylary arasynda Darhan Isabaev, Greg Raıten, Lıdııa Tanner, Meredıt Malsh jáne Karen Hazeldar erekshelendi.
Sonymen qatar, eń jas sportshylar, jeti jasar Hamza Talgabek pen Laıla Ford, jeke atalyp, arnaıy syılyqtarymen marapattaldy.
Barlyq jınalǵan qarajattar eresek jastaǵy Daýn sındromy bar balalarǵa arnalǵan «Shyǵarmashylyq sheberlik» Qorynyń jańa jobasyna jumsalady.
Esterińizge sala keteıik, «Kún álemi» qoǵamdyq qory 2015 jyly Daýn sındromy bar balalardyń ata-analary men dertke shaldyqqan balalar men jasóspirimderdiń quqyqtaryn qorǵaý, áleýmettendirý jáne ońaltý maqsatynda qurylǵan uıym. Qor qyzmetiniń biri ár maýsymda turaqty negizde «Kún krosy» qaıyrymdylyq sport is-sharasyn ótkizý.
