Astana qalasyndaǵy apatty turǵyn úılerdi buzý jónindegi pılottyq joba «Nurly jer» turǵyn úı qurylysy baǵdarlamasy sheńberinde ákimdiktiń qurylymdyq bólimshelerimen birlese otyryp, ýákilttik uıym- «Elorda damý»JShS 2013 jyldan bastap iske asyrylyp keledi.
«О́zara is-qımsl tetigi baǵdarlamamen belgilengen jáne ol keleside kórsetilgendeı júzege asyrylady. Ákimdikpen belgilengen jer ýchastkelerinde «Elorda damý» JShS turǵyn úı keshenderin jobalaýdy jáne olardyń qurylysyn júzege asyrady. Turǵyn jáne turǵyn emes oryn-jaılardyń bir bóligi budan ári apatty úılerdiń menshik ıeleriniń arasynda bólý úshin kommýnaldyq menshikke tegin tapsyrylady. Ákimdiktiń sáıkes qurylymdyq bólimsheleri apatty úılerdi buzýdy jáne olardan turǵyndardy kóshilýdi júzege asyrady. Jyljymaıtyn múliktiń qalǵan bóligi «Elorda damý» JShS bos naryqta satylady, osy rette alynǵan qarajat jańa qurylysqa qaıta ınvestısııalanady», dedi «Elorda damý» JShS bas dırektorynyń qarjy jáne kommersııa jónindegi orynbasary Tólepbergen Qoıshybaev.
Pılottyq jobanyń birinshi kezeńi 2017 jyldyń sońyna deıin eseptelgen. Osy kezeń ishinde 228 aptty úıdi buzýdy jáne 3 519 turǵyn jáne turǵyn emes oryn-jaılardyń menshik ıelerin kóshirýdi qamatamasyz etý qajet. Bul maqsatta seriktestik 566 myń sharshy metr turǵyn úıdi paıdalanýǵa tapsyrýdy josparlap otyr.
«Bul joba sátti túrde iske asyrylyp keledi jáne búgingi kúni aýdany 544 myń sharshy metr nemese 7 233 páter bolatyn 62 turǵyn úı paıdalanýǵa engizildi. Onyń ishinen apatty úılerdiń menshik ıelerin kóshirý úshin kommýnaldyq menshikke 155 myń sharshy metr turǵyn úı, ıaǵnı 3 074 páter tapsyryldy», - dedi Qoıshybaev.
Budan bólek, onyń aıtýynsha, buzylatyn apatty úılerde ornalasqan kommersııalyq oryn-jaılardyń menshik ıelerine ótemaqy retinde 45 turǵyn emes oryn-jaı óteýsiz tapsyryldy.
Sondaı-aq 2017 jyly «Elorda damý» JShS 126 myń sharshy metr turǵyn úıdi nemee 1 605 páterdi paıdalanýǵa berýdi josparlap otyr. Onyń ishinen 104 myń sharshy metr (1 265 páter) paıdalanýǵa engizildi. Buǵan qosa onyń ishinen jalpy aýdany 12,7 myń sh.m. bolatyn 257 páter kommýnaldyq menshikke ótkizildi, al qalǵany jyljymaıtyn múlik naryqta satyldy.
«Birinshi kezeńdi aıaqtaǵannan keıin «Elorda damý» JShS pılottyq jobany budan ári iske asyrýdy jalǵastyrady. Ol úshin turǵyn úıdiń qurylysy boıynsha ázirlengen jobalar da bar», dedi «Elorda damý» JShS bas dırektorynyń qarjy jáne kommersııa jónindegi orynbasary.
