Memleketter basshylary áńgime barysynda ekijaqty yntymaqtastyqtyń jaǵdaıy men perspektıvalaryn, sondaı-aq óńirlik jáne halyqaralyq kún tártibindegi ózekti máselelerdi talqylady.
Reseı Prezıdenti Qazaqstan Prezıdentin bıylǵy 14-15 qyrkúıekte Sırııaǵa qatysty altynshy halyqaralyq kezdesýdiń Astanada tabysty ótýimen quttyqtady.
Sondaı-aq, Vladımır Pýtın Nursultan Nazarbaevty Sırııadaǵy qaqtyǵysty retteý úshin Reseı jaǵynan atqarylyp jatqan sharalar jóninde habardar etti. Taraptar Astana prosesin jalǵastyrýdyń mańyzdy ekenin erekshe atap ótti.
Budan bólek, Prezıdentter aldaǵy ýaqytta bolatyn kezdesýler kestesin, sonyń ishinde Joǵary Eýrazııalyq ekonomıkalyq keńes pen TMD-ǵa múshe memleketter basshylarynyń keńesine daıyndyq barysyn qarastyrdy.
Eki el kóshbasshylary eki jaqty ózara is-qımyldyń barlyq máseleleri boıynsha turaqty dıalogty jalǵastyrýǵa ýaǵdalasty.
