№1 emhananyń quny bastapqyda 224 mıllıon teńge, №2 emhananyń quny 347 mıllıon teńgege baǵalanǵan-dy. Oblys ortalyǵyndaǵy №1 qalalyq emhanasynda 69 myń adam, №2 emhanada 65 myń turǵyn tirkelgen.
Sóıtip, 21 qyrkúıekte ótken elektrondy aýksıon nátıjesinde emehanalardyń biri 900 mıllıon teńgege, ekinshisisi 950 mıllıon teńgege senimdi basqarýǵa berildi. Iаǵnı, emhanalardy satyp alýǵa bolady. Densaýlyq saqtaý nysandaryn satyp alýshylar senimdi basqarý kezinde emhanalardyń burynǵy baǵytyn saqtaýy, jalpy medısınalyq kómektiń kepildi kólemi aıasynda qyzmet kórsetýge mindetteledi. Biraq, oblystyq qajy basqarmasynda emhanalarǵa senimdi basqarýǵa berý týraly kelisimshart ázirge jasalmaǵan kórinedi.
Eki emhananyń bolashaq ıeleriniń de kim ekenderi belgisiz. Oblystyq densaýlyq saqtaý basqarmasy bul jańashyl qadam, ózgerister turǵyndardyń densaýlyqtaryn odan ári jaqsartý maqsatynda jasalýda.Ekinshiden, aldaǵy ýaqytta básekege qabiletti ortada óz ornyn saqtap qalý úshin emhanany jekeshelendirýge alǵan ınvestorǵa qosymsha qarjy salyp, qymbat qural-jabdyqtar satyp alýǵa jáne aqyly qyzmetter tizimin arttyrýǵa da týra keledi dep otyr.
Elektrondy saýdaǵa shyǵarylǵan dıagnostıkalyq ortalyq aldaǵy 20 kún aralyǵynda taǵy da komıssııa shyǵaryp, satylymǵa qoıylmaqshy. Ekinshi ret elektrondy saýdaǵa shyǵarylǵan kezde alýshy onyń qunyn bastapqy baǵasynan 50 paıyzǵa deıin tómen baǵaǵa satyp alý múmkin.
Farıda Byqaı
«Egemen Qazaqstan»
Pavlodar
