Forýmnyń maqsaty – is-shara qonaqtary men kásipkerlerdi Batys Qazaqstannyń ekonomıkalyq jetistikterimen, ınvestısııalyq áleýetimen jáne naqty ınvestısııalyq jobalarymen tanystyrý. Bul alań Batys Qazaqstan oblysynyń kompanııalary men óz bıznesin keńeıtip jáne jańa naryqtarǵa shyǵýǵa nıetti sheteldik kompanııalar arasynda ózara tıimdi seriktestikti qurý úshin uıymdastyrylǵan. Munda forým qatysýshylaryna birikken kásiporyndardy qurý jáne óz múmkindikterin prezentasııalaý úshin jergilikti kompanııalardy tabý jáne tanysý múmkindigin usynady.
Forým aıasynda «Qazaqstan-Reseı. О́ńirlerdiń shekaralyq seriktestigi» atty kórme uıymdastyrylyp, «Munaı gaz sektory – ónerkásipti damytý draıveri», «Agroónerkásiptik keshen: Damý. О́ńdeý. Eksport» jáne «Bıznestiń damý ınstıtýttary men halyqaralyq qarjy uıymdaryna qoldaý kórsetý quraldary» máselelerine arnalǵan úsh paneldik sessııa júrgiziletin bolady. Sondaı-aq forým alańynda Batys Qazaqstan jáne Orynbor oblystary kásipker áıelderiniń kezdesýi jáne Oraldyń saýda jelileri ókilderi men aýylsharýashylyq óndirýshileri jáne óńdeýshileri iskerlik kezdesýler ótkizedi. Forým alańdarynda densaýlyq saqtaý, menedjmenttiń biriktirilgen júıeleri, olardy Biryńǵaı Eýropalyq ekonomıkalyq keńestikte qoldaný máseleleri boıynsha dóńgelek ústelder uıymdastyrylatyn bolady.
Qazbek QUTTYMURATULY
«Egemen Qazaqstan»
