Raýan Kenjehanuly bul tehnologııa Google Translate júıesindegi aýdarma sapasyn jańa deńgeıge kóteretinin atap ótti. "Qazirgi tańda Google Translate 103 tilde jumys isteıdi. Ony kúnine 200 mln adam paıdalanady. Sondaı-aq qazaq tilin paıdalaný da artyp keletinin atap ótkim keledi. Bul tehnologııa qazaq tiliniń sıfrlyq qurylǵylarda keńinen qoldanylýyna jol ashady. Aýyzsha aıtylǵan sózdi qabyldap, ony basqa tilge aýdarý asa kúrdeli ınjenerlik jəne lıngvıstıkalyq sheshimderdi qajet etedi. Osy məselelerdi sətti sheshe alǵan tilderge Voice-to-Text tehnologııasy bilim berýde, kúndelikti qarym-qatynasta, bızneste, aýdarma isinde, tilderdi úırenýde keńinen qoldanylady. Búgingi tańda daýysty mətinge aýdarý qyzmeti əlemniń 32 tilinde bar" deı kele Raýan Kenjehanuly endi Voice-to-Voice júıesi qolǵa alynǵanyn, onyń shetelge barǵanda kómegi kóp ekenin aıtty. Iаǵnı, Voice-to-Voice qyzmeti Qazaqstanǵa shetel týrısteriniń kelýine de əser etedi.
Esterińizge sala ketsek, WikiBilim qory Beeline kompanııasynyń qoldaýymen 2014 jyldyń jeltoqsan aıynda Google Translate qyzmetinde qazaq tilin iske qosqan bolatyn.
Gúlnur Qýanyshbekqyzy,
"Egemen Qazaqstan"
Sýretti túsirgen avtor
