Osy kompanııa – egemendik alǵan eńseli tustan bastap, tipti oǵan deıin de halyqqa qaltqysyz qyzmet etip kele jatqan telekommýnıkasııa salasyndaǵy tegeýrindi ujym. Mekemeniń qysqasha tarıhyna úńilsek atasynan nemeresine deıin osy jerde qyzmet istep kóktep otyrǵan áýletter kóptep kezdesedi. Bul óz kezeginde «Qazaqtelekom» shańyraǵynyń urpaqtar sabaqtastyǵyn jalǵaıtyn altyn kópirge aınalǵanyn ańǵartsa kerek. Tamyry men tarıhy tereńde jatqan kompanııanyń el damýyndaǵy alar úlesi aýqymdy.
Kompanııada kadr áleýettiligi, tehnologııalyq múmkindikter, strategııalyq mindetterdi durys josparlaý, qyzmet túrlerin ońtaılandyrý sııaqty negizgi jumystardyń barlyǵy júıeli túrde jolǵa qoıylǵan. Elimizdiń barlyq óńirindegi bólimsheleri buqara halyqqa baılanys salasynyń barlyq talaptaryna saı qyzmet kórsetedi. Kompanııa otandyq aqparattyq kommýnıkasııa naryǵyn damytý saıasatyn iske asyra otyryp, álemdik standarttarǵa jaýap beretin joǵary tehnologııaly ınfraqurylym júıesin qurdy. Bir aıta keterligi, atalǵan qoǵamda transformasııa baǵdarlamasy aıasynda aýqymdy ister atqarylyp keledi. Elbasy qoldaýymen bastaý alǵan baǵdarlamanyń el ekonomıkasyna tıgizer paıdasy mol ekeni aıtpasa da túsinikti. Bul uzaq merzimdi prosess 2050 jylǵa deıin elimizdiń eń damyǵan 30 eldiń qataryna qosylýyna yqpal etedi. Osyndaı álemniń jetekshi elderinde júzege asyrylǵan jobanyń elimizde tyń tynys alyp, keńge qanat jaıyp kele jatqany kóńil qýantady. Zaman jyljyp, ýaqyt syrǵyǵan saıyn ár salanyń jańasha sıpatta damyp otyratyny belgili. Osy rette atalǵan ujym kez kelgen suranysqa jaýap bere alatyn zamanǵa saı, básekege qabilettiligimen halyqtyń senim údesinen shyǵyp keledi. Kompanııa qyzmetkerleri bul turǵyda mekemeniń ejelden qalyptasqan dástúrli jolyn berik ustaýdy nazardan tys qaldyrǵan emes.
– «Telekommýnıkasııa salasy óte jyldam ári qarqyndy ózgeris ústinde, ýaqyt ótken saıyn básekelestik talaptary kúsheıip keledi jáne jańa oıynshylar qatary da kóptep sanalady. Sol sebepti osyndaı jaǵdaıda bizge neǵurlym jyldam ári ıkemdi bolý qajet, ıaǵnı kompanııanyń uıymdyq modeli ózgerýi tıis. Biz óz abonentterimizdiń usynystaryna barynsha shuǵyl áreket etýimiz kerek. Kompanııanyń jańartylǵan strategııasyn túsindirý, sonymen qatar «Qazaqtelekom» AQ aldaǵy transformasııalaý jónindegi strategııalary men josparlarynyń negizgi erejelerin talqylaý men usynystardy jınaý úshin qyzmetkerlermen keri baılanysty uıymdastyrý maqsatynda turaqty túrde jumys ujymdarymen kommýnıkasııalyq top-menedjment sessııalary ótkizilýde. Transformasııa barysyn túsindirý jóninde jumystar júrgizilip, ujymǵa aldaǵy josparlar jetkizilip, osyǵan sáıkes kompanııa birte-birte ózgeretin bolady. Atqarylǵan jumys nátıjesi boıynsha qyzmetkerlerdiń basym bóligi transformasııalaýdy kompanııanyń aldaǵy bolashaqta damýynyń biregeı múmkindigi dep qabyldaıdy. Top-menedjerlerdiń qatysýymen ótkiziletin kommýnıkasııalyq sessııalar barysynda bıznes-úderisterdi jetildirý boıynsha usynystar qaralýda. Uıymnyń barlyq deńgeıindegi bizdiń qyzmetkerler ortalyq keńseden bastap, óńirlik bólimshelerge deıin ózgerister qajettiligin túsinip, olarǵa belsendi túrde atsalysýda. Kompanııanyń jańartylǵan strategııasynyń arqasynda, biz senimmen alǵa qaraı umtylyp, kózdegen maqsattarǵa tabysty qol jetkizip, qoıylǵan mindetterdi oıdaǵydaı oryndap kelemiz», – deıdi «Almatytelekom» О́TD bas dırektory Sherhan Razdyqov.
Joǵaryda aıtylǵan jańa strategııalyq jospar kompanııanyń jańasha damýyna jol ashpaq. Ol úshin halyqqa qyzmet kórsetýdegi árbir kishkentaı elementke deıin jan-jaqty saraptan ótken. 2014 jyldan bastap qolǵa alynǵan «О́rleý» jańǵyrtý baǵdarlamasy osynyń aıqyn dáleli. Bul jobanyń negizgi maqsaty naryqtaǵy kóshbasshy oryndy nyǵaıta túsýge baǵyttalǵan. Baǵdarlama kúshine engennen beri kompanııa eleýli jetistikterge qol jetkizgen. Sonyń nátıjesinde abonenttik baza mólsheri ulǵaıyp, qyzmet kórsetý sapasy arta túsken. Osyǵan oraı toptamalyq usynystar tizbegi qalyptasyp, tek baılanys qana emes, aqparattyq tehnologııalar arnasyndaǵy qajettilikti jabatyn tutynýshylarǵa tyń ónim túrlerin usynýǵa jol ashylǵan.
Qaı salada bolmasyn jetistikke qol jetkizýdiń basty qaǵıdasy tereń bilim men kásibı sheberlik. Iаǵnı, salany alǵa súıreıtin sapaly kadr. Sebebi, óz jumysyn shyn yqylasymen jaqsy kóretin maman ǵana eńbek jolynda barlyq qajyr-qaıratyn, bilim-biligin aıamaı maqsatqa jetýde tabandy túrde qyzmet etedi. Bar ómirin osy irgeli shańyraqtyń tasyn órge domalatýǵa arnaǵan talaı azamattardyń artynan ergen ul-qyzdary ata-anasyn úlgi tutyp, osy kásipti tańdap, ómirin ata-anasynyń teri sińgen, ózderi úshin qasterli sanalatyn shańyraqpen baılanystyrǵan. Keıinnen ol qyzmetkerlerdiń urpaqtary da ata-ájeniń ulaǵatty jolyn jalǵap, osy kásiptiń ıesi atanyp, «Qazaqtelekom» qazanynda qaınaǵan. «Qazaqtelekomnyń» el aýmaǵyndaǵy barlyq bólimsheleriniń qyzmetkerler tarıhyna kóz júgirtseńiz, qaı óńirde bolmasyn úrim-butaǵymen ómirlerin osy mekememen baılanystyrǵan otbasylar jetip artylady. Atadan balaǵa mıras bolǵan bul jalǵastyqty kezdeısoqtyq dep aıta almaısyz.
Qolymyzǵa túsken málimetterdi saralaı kele, munda eńbek etken áýletterdiń jalpy eńbek ótili bes myń jyldy quraıtynyn kórip tań-tamasha boldyq. Atadan balaǵa, urpaqtan-urpaqqa jalǵasqan osy kósh-kerýen bútin bir júıeniń aıaǵyna nyq turýyna qajyr-qaıratyn arnaǵan tulǵalardyń ómirimen astasyp jatyr. Tynymsyz tókken ter, ortaq murat, otbasy múshelerin odan saıyn tyǵyz baılanystyra túsetin ortaq kásip úlken tájirıbeniń qaınar bulaǵyna aınalyp mol jetistikterge jol ashady. Osynyń barlyǵy bir-birimen bite qaınasyp otbasylyq qasterli qundylyqqa aınalady. Jaýapkershilik artyp, áke kásibine adaldyq tanytý kerek degen túsinik týyndaıdy. Mamandardyń aıtýynsha, urpaqtar sabaqtastyǵyn jalǵap, bir mekemede uzaq eńbek etken áýletter basqalarǵa qaraǵanda kásibine qurmetpen qaraıdy. Ata-anasynyń, týystarynyń tókken teri men tabysty jolyn jalǵaı otyryp, oǵan daq túsirmeýge tyrysady. Osylaısha, eńbek ónimdiligi kóbeıip, kompanııanyń áleýeti arta túsedi. Osynyń barlyǵyn nazardan tys qaldyrmaı, elep-eskerip, qyzmetkerleriniń otbasylyq qundylyqtaryn joǵary baǵalaıtyn mekemede urpaqtar sabaqtastyǵy jalǵasa berýi zańdy da. Qyzmetkerlerine erekshe qurmetpen qaraıtyn kompanııa sońǵy jyldary Otbasy kúnine oraı mekemeniń óristeýine eleýli úles qosqan áýletterdi marapattaýdy dástúrge aınaldyryp keledi. Bul óz kezeginde azamattardyń aıbynyn asqaqtata túsedi. Elbasy Nursultan Nazarbaev óz Joldaýynda «Biz bolashaqqa kóz tigip, Táýelsiz elimizdi «Máńgilik El» etýdi murat qyldyq. «Qazaqstan-2050» Strategııasy osynaý máńgilik joldaǵy býyndar birliginiń, urpaqtar sabaqtastyǵynyń kórinisi», degen edi. Otandy súıý erlikpen ǵana ólshenbeıdi. Ár adam óz kásibiniń sheberi, óz salasynyń janashyry bolsa odan artyq súıispenshilik joq. О́z isińe degen súıispenshilik – úlken jetistiktiń qaqpasy. Al, úlken jetistikter jıyntyǵy qoǵamdy alǵa jeteleıdi. Qoǵamǵa qaltqysyz qyzmet etip, baılanys salasynyń barlyq keńistiginde sheberligimen shyńdalǵandardyń sapynan qazaqtelekomdyqtardyń qajyrly eńbegin aıtýǵa bolady.
«Qazaqtelekom» AQ ýaqyt kóshine saı qalyptasqan ıgi dástúrlerin saqtaı otyryp damyp keledi. Jyl saıyn qyzmet kórsetý aıasy keńip, tehnologııalyq úderisterdi jaqsartý men tehnologııalardy jańartý boıynsha keshendi jumystar júrgizilýde. Zamanaýı naryq talaptary kún saıyn baılanys salasyna ózgeris ákelip, bıznes-orta talaptary kúrdelene túskenimen, aty ańyzǵa aınalǵan mekeme óz bıiginen túsken joq. Aldaǵy ýaqytta da tegeýrindi kompanııa egemendikpen birge jasap el ıgiligi jolynda jańa belesterdi baǵyndyra beretinine senemiz.
Arman OKTIаBR,
«Egemen Qazaqstan»
