EKSPO qarsańynda ákimdikpen kórme kezinde 65 myńnan astam balǵyndy tasymaldaǵan mektep avtobýstary satyp alyndy. Qazirgi ýaqytta olardy oqýshylardy tasymaldaý úshin paıdalaný josparlanýda, dep xabarlady juma kúni "2016-2020 jyldarǵa arnalǵan Astana qalasyn damytý jóninde" baǵdarlamany iske asyrý barysynda elordanyń kólik keshenin jańǵyrtýǵa arnalǵan "Nur Otan" qalalyq partııasynyń tyńdalymynda "Astana qalasy jolaýshylar kóligi basqarmasy" MM basshysy Bekmyrza Igenberdınov.
"Kelesi keste boıynsha jumys atqarylatyn bolady: ata-analar mekteptermen kelisim-shartqa otyrady, olar óz kezeginde operatormen qyzmet kórsetý jóninde kelisim jasasady,- dedi B.Igenberdınov.
Buǵan deıin xabarlanǵandaı, Astanada kóshe-jol jelisine júktemeni tómendetý jáne qoǵamdyq kóliktiń áleýetin arttyrý boıynsha jobalar ári qaraı jalǵasyn tabady. Osylaısha
«BusLane» jobasy jalǵasady. Jańa avtobýs jolaqtary aldaǵy ýaqytta Sh. Ýálıxanov jáne S. Seıfýllın kóshelerinde paıda bolady.
