Jýyrda óńirdegi osy qanatty jobaǵa alynǵan Ýspen aýdanynyń ortalyǵyndaǵy № 3 qazaq tilinde jalpy bilim beretin orta mektepte «Sandyq Qazaqstan» jobasy sheńberinde arnaıy kabınet ashyldy. Mektep oqý isiniń meńgerýshisi Záýresh Rymhanqyzynyń aıtýynsha, jobanyń maqsaty - Apparattyq jańa tehnologııalar aýyl mektepterdegi bilim deńgeıiniń joǵary bolýyna áser etedi. Qyrkúıek aıynda kabınettiń ashylýy bolyp, jańa tehnologııamen bilim alýǵa barlyq oqýshylar qatty qyzyǵýshylyq kórsetipti. Qazir 8-shi synyptyń 18 oqýshysy osy jańa júıe boıynsha bilim alýda. Kabınette ınterbelsendi taqta, 18 sensorlyq noýtbýk-transformerleri bar seıf-shkaftary bar.
Bilimbook-te qazaq, orys jáne aǵylshyn tilderinde 4 bilim berý resýrsy bar. Bul BilimLand– ámbebap bilim berý platformasy, iTest – UBT jáne TKT-ǵa daıarlaıtyn vırtýaldy trenajer, iMektep – qazaq tilindegi bastaýysh mektep baǵdarlamasynyń tolyq kýrsy, Twig-Bilim – 1500-den astam qyzyqty tanymdyq fılmderinen turatyn keshen. Qazir mektep oqýshylary jańashyldyq tehnologııa júıesimen sabaqtaryn bastap ta ketti. BilimBook degenimiz - bilimdi berýdi arttyrý jáne tanymdyq belsendilikti yntalandyrý maqsatynda oqýshynyń jeke qoldanýyna arnalǵan. Muǵalimge sabaq berý barysynda ınnovasııalyq pedagogıkalyq tehnologııalardy, ádister men modelderdi engizý múmkindik beredi. BilimBook noýtbýgi kontentinde 40 000 myńnan astam ınteraktıvti sabaq, mıllıon beınerolık jáne 30 000 testik suraq bar.
Farıda Byqaı
«Egemen Qazaqstan»
Pavlodar oblysy
