Oblys ortalyǵyndaǵy «Sút» AQ-nyń sary maı shyǵaratyn jelisi iske qosylyp, ınvestısııalyq joba júzege asty. Kásiporynnyń maı shyǵarýǵa arnalǵan jobasy 3 jyl boıy daıyndalypty. Birinshiden, jergilikti ónimniń ózimizde jasalyp shyǵýy jasalýy kásiporynǵa ǵana emes, óńirdegi sharýa qojalyqtaryna, oblystyń áleýmettik-ekonomıkalyq damýyna jol ashady. О́ńirde maı jasaıtyn sút jetedi. Qural-jabdyqtar saǵatyna 1 tonna maı daıyndaıdy. Al, «President» maıy úshin paıdalanatyn sapaly sútti óńirdegi «Pobeda», «Agro-Damý», «Ivanovskoe» jáne basqa seriktestikter bere aldy. Mamandar muny sapasy joǵary sút bolǵanda ǵana,kásiporyn tolyq qýattylyqta jumys isteı alady deıdi. Memleket tarapynan beriletin sýbsıdııa nátıjesinde ınvestısııalyq jobany júzege asty. Jalpy, 2007 jyldan beri kompanııaǵa tartylǵan ınvestısııa kólemi 12,7 mlrd. teńgeni qurady. Al, «President» maıyn shyǵarý úshin 305 mıllıon teńge jumsalǵan. Aldaǵy aılarda Pavlodar aýdanynyń Kırov aýylynda jańa ferma ashylmaq. Kásiporyn endi jylyna 400 tonna maı shyǵaratyn bolady.
Farıda Byqaı,
«Egemen Qazaqstan»
Pavlodar
