Foto: Total.kz
"EKSPO-2017 – bul Elbasymyzdyń tikeleı qatysýymen jáne baqylaýymen iske asqan jahandyq joba.
Nursultan Nazarbaev bıyl tabysty ótken kórmeni Astanada ótkizý jónindegi bastamany osydan toǵyz jyl buryn, ıaǵnı 2008 jyly Saragosada kótergen bolatyn. Al 9 maýsymda Qazaqstan búkil álemge bolashaqtyń energııasy týraly ustanymyn tanystyrdy. Sonymen birge Eýrazııa kindiginde ornalasqan el retinde táýelsizdik alǵan 26 jyl ishindegi damý jetistikterin alǵa tarta otyryp, álemniń eń damyǵan 30 eliniń qataryna enýge nıetti ekenin málim etti.
Búgingde álemde jahandyq energetıkalyq naryqtyń jańa modeline kóshý úderisi júrip jatqanyn eskerer bolsaq, kórmeniń taqyryby ózekti bolyp esepteledi.
Árıne, búginde kóptegen jahandyq problemalar bar. Al Astanadaǵy EKSPO-2017 kórmesi álemdik qaýymdastyqtyń sol problemalarǵa qarsy sheshimi bar ekenin kórsetti. Shamamen 200-ge jýyq qatysýshy memleket, halyqaralyq qaýymdastyqtar jáne korporasııalar kórme barysynda bolashaq energııasy taqyrybynda jańarǵan tehnologııalaryn tanystyrdy. Bul óz kezeginde jahandyq energetıkany damytý úshin jańa úlgilerdiń paıda bolýyna serpin beredi", dedi ol. Erjan Babaqumarovtyń aıtýynsha, munyń bári EKSPO-2017 kórmesiniń búkil adamzatqa paıdasyn tıgizetin baı zııatkerlik murasyn quraıdy.
Sonymen qatar Erjan Babaqumarov Qazaqstannyń álemdik qaýymdastyqpen birige otyryp, ǵalamsharymyzdaǵy eń ózekti sanalatyn «Bolashaq energııasy» taqyrybyn ashýy elimizdi ǵalamdyq máselelerdi kóterip, olardyń sheshilýine atsalysa alatyn damyǵan memleketterdiń qataryna qosatynyn jetkizdi. "Mundaı ról 21 ǵasyrda bizge mol múmkindikter beredi. EKSPO-2017 kórmesiniń arqasynda Qazaqstan ǵalamsharymyzdyń ornyqty damýyna qajetti biregeı tehnologııalyq jáne ekonomıkalyq sheshimderdi tabý jónindegi álemdik proseske qatysýshy memleket retindegi áleýetin kúsheıtti.Memleket basshysy atap ótkendeı, bizdiń kórmemiz jańa jahandyq jobalardyń bastamasy bolady", dep túıindedi sózin QR Premer-Mınıstri keńsesi jetekshisiniń orynbasary Erjan Babaqumarov.
