11, 12 jáne 13 qarashada ashyq esik kúnderi aıasynda Astana turǵyndary men qonaqtary «Nur Álem» pavılony men «Bolashaq mýzeıin», Taqyryptyq pavılondar, Úzdik tájirıbeler aımaǵy, Konrgess Ortalyǵy, Energııa Holly jáne Art-Ortalyǵyna bara alady. Dál osy nysandar ashylǵan týrıstik keshenniń negizine aınalyp, qalypty tártip boıynsha jumys isteıtin bolady.
«Prezıdentimizdiń ıdeıasy kórme kelesheginiń jarqyn bolýynda. Bul bolashaqqa degen ınvestısııa, adam kapıtalyn damytý baǵyty. Prezıdentimizben ázirlengen jáne maquldanǵan kórmeden keıingi nysandardy qoldaný tujyrymdamasy osynyń jarqyn mysaly», – dedi Ahmetjan Esimov.
Kelýshiler taqyryptyq pavılonnyń ekeýinde de energııany únemdeıtin ári energetıkalyq tıimdi bolashaq qalasyn qurýǵa kómektesetin jańa tehnologııalardyń tájirıbe júzinde qoldanysyn tamashalaı alady. «Úzdik tájirıbeler aımaǵynda» álemniń 13 elinen ákeligen jańǵyrtylatyn energııa kózderi salasyndaǵy 24 jetekshi joba usynylǵan. Art-ortalyǵy zamanaýı óner ortalyǵy retinde jumysyn jalǵastyryp, sondaı-aq eń kishkentaı qonaqtar úshin bilim berý ortalyǵy ashylǵan.
Ahmetjan Esimov EKSPO-2017 Kórmesi kezinde tanymal bolǵan «Nur Álem» pavılonyna toqtalyp ótti. Kórme barysynda munda 1 mln 300 myń adam kelgen. Endi ol Bolashaq energııasy mýzeıi retinde jumys istep, kelýshilerin ártúrli jańartylǵan energııa kózderimen, osy saladaǵy sý jańa jetistiktermen tanystyratyn bolady.
«Men «Nur Álem» pavılony, Parıjdegi Eıfel munarasy, Brıýsseldegi «Atomıým» ispetti belgili nysanǵa aınalaryna senimdimin», - dep atap ótti Ahmetjan Esimov.
Aıta ketsek, Kórme aýmaǵyna kirý tegin jáne burynǵy – soltústik, ońtústik, batys jáne shyǵys kirý toptarynan júzege asyrylady. Bılettiń quny - 1500 teńge bolady. Ol arqyly «Nur Álem» pavılonyn, eki taqyryptyq pavılondy jáne úzdik tájirıbeler aımaǵyn tamashalaýǵa bolady. Sondaı-aq, UOS ardagerleri, múmkindigi shekteýli azamattar, ata-ana qaraýynsyz qalǵan búldirshinder men kópbalaly analar úshin EKSPO-2017 týrıstik aımaǵyna kirý tegin bolady. Al, zeınetkerler men mektep oqýshylaryna arnalǵan bılet quny 500 teńge bolsa, stýdentter bıletti 800 teńge kóleminde satyp ala alady. Bıletterdi EKSPO-2017 aýmaǵyndaǵy bılet-kassalarynda jáne EKSPO-2017 resmı saıty arqyly satyp alýǵa bolady.
Sonymen qatar, EKSPO kesheninde aýmaǵy 3,5 myń sharshy metrdi quraıtyn muz aıdyny ashylady. Muz aıdynynda 1 seans quny 1000 teńge bolmaq. Sondaı-aq, bıyl Astana qalasynda basty jańa jyldyq shyrsha EKSPO-2017 aýmaǵynda ornatylatyn bolady.
Aıta keteıik, kórme aýmaǵynda 23 tamaqtaný nysany jumys isteıtin bolady. Al, avtokólikter úshin jerasty kólik turaǵy ashylady, onda alǵashqy 3 saǵaty tegin, al keıingi ár saǵat úshin avtoturaq quny 100 teńge bolmaq.
