Negizinen Aqmola oblysynyń boks tarıhy óz bastaýyn 1963 jyldan alady. Sporttyń bul túri damýynyń basy-qasynda belgili jattyqtyrýshylar Amangeldi Baltabaev, Orazalı Aqanov, Saǵyntaı Jamanǵuzov jáne Qýanyshbek Ájiǵulov turdy. Qazir aramyzda ózderi joq bolǵanymen, olardyń óskeleń urpaq boıynda zor densaýlyq pen myqty rýh sińirýge arnaǵan isteri óz jalǵasyn tabýda. Ol jóninde Aqmola oblysy Dene shynyqtyrý jáne sport basqarmasynyń basshysy Nadejda Patıýtkına bylaı deıdi: «Meniń paıymymsha, Aqmola oblysy boksynyń damýy jolynda óte kóp ter tókken adamdardy eske alý jáne tájirıbe almasý – jastar úshin óte mańyzdy. Týrnır jyldan jylǵa damyp keledi. Biz úshin bokstyń ár túrli boks mektepteri bir arnada toǵysyp, balalar ózderiniń kásibı deńgeılerin kóteretin bolady».
Bul rette «Qajymuqan» sport kesheniniń rınginde elimizdiń ár óńirinen kelgen sportshylardyń qatarynda respýblıkalyq jáne oblystyq týrnırlerdiń jeńimpazdary da bar. Sonyń ishinde aqmolalyq boksshylar da jerge qaratpaı, ózderiniń sporttyq daıyndyqtaryn barlyq jaǵynan kórsete bildi.
Asqar TURAPBAIULY,
«Egemen Qazaqstan»
Aqmola oblysy
