Qazaq halqynyń mýzykalyq mádenıetin damytý, dáripteý jáne saqtaý maqsatynda «Rýhanı jańǵyrý» baǵdarlamasynyń aıasynda ótkeli otyrǵan keshte baı Arqa dástúriniń eń úzdik úlgileri, erekshe oryndaýshylyq sheberlikti qajet etetin Áset Naımanbaevtiń ánderi oryndalady. Olardyń ishinde Áset Naımanbaev atyndaǵy «Injý-marjan» Respýblıkalyq dástúrli oryndaýshylar baıqaýynyń Gran-prı ıegeri Jaqsygeldi Maıasarov ta bar.
Áset Naımanbaev (1867–1922) – qazaqtyń kórnekti sýyryp salma aqyny, ánshi jáne kompozıtor. Uly Abaıdyń ózi oqýshysynyń talantyn áýeniniń ásemdigi, poezııalyq daryndylyǵy men keremet oryndaýshylyǵy jaǵynan joǵary baǵalaǵan.
Birjan sal sekildi Áset Naıbaev ta Qoıandy jármeńkesinde óner kórsetken. Bul onyń tarıhqa engen eń atyshýly jeńisteriniń biri - Rysjanmen aıtysy. Bul aıtys erkindigi, sátti metaforalary men poezııalyq qurylymy úshin M.Áýezov pen S.Muqanovtyń joǵary baǵasyn aldy.
Áset Naımanbaevtiń shyǵarmashylyq murasyndaǵy poezııalyq jáne mýzykalyq shyǵarmalary birdeı baǵalanady. «Úsh jetim qyz» jáne «Aǵash at» poemalary, «Injý-Marjan», «Maqpal», «Úlken Ardaq», «Qysmet» jáne t.b. ánderi qazaq halqynyń baǵa jetpes rýhanı murasyn quraıdy.
