Turǵyn úılerdiń qurylysyn júrgizgen «Barys-Tassaı» JShS-i nysandy merziminde aıaqtap, paıdalanýǵa berip otyr. Ordabasy aýdanynda barlyǵy 30 kommýnaldyq turǵyn úı bar. Mundaǵy ár úıdiń sharshy metriniń jaldaý quny – 50 teńge bolyp belgilengen.
Caltanatty shara barysynda Ońtústik Qazaqstan oblysynyń ákimi Janseıit Túımebaev «Qoljetimdi baspana - 2020» baǵdarlamasy aıasynda oblystyq bıýdjet esebinen salynǵan turǵyn úılerdiń kiltin jetim jáne ata-anasynyń qamqorlyǵynsyz qalǵan balalarǵa, kezekte turǵan áleýmettik turmysy tómen otbasylarǵa tabys etti. Sondaı-aq, bul kúni oblys ákimi Tórtkúl aýyl okrýgindegi Qarsybaı Spataev aýylyndaǵy aýyz sý júesiniń iske qosylý sharasyna qatysyp, aýyl turǵyndarynyń qýanyshymen bólisti.
Aýylda 136 otbasy, ıaǵnı 1600 turǵyn taza aýyz sýmen qamtylyp otyr. Bul nysannyń qurylysyn oblystyq bıýdjet esebinen «Qurylys-servıs- SK» JShS júzege asyryp, paıdalanýǵa berdi. Joba qurylysyna 98 mln. teńgege jýyq qarjy jumsalǵan. Jalpy aýdandaǵy 57 eldi mekenniń búgingi tańǵa 39-y qubyrly aýyz sýmen qamtylǵan. Iаǵnı, turǵyndardyń 88,7 paıyzy taza aýyz sýǵa qol jetkizgen.
Ǵalymjan ELShIBAI,
«Egemen Qazaqstan»
