Jańa joba boıynsha salynǵan 1200 oryndyq mektep «Ushaqtar kentinde» ornalasqan. Bas merdiger jergilikti «Fırma Azııa» JShS-i qurylys kompanııasy bolyp tabylady.
Bilim ordasynyń ashylý saltanatyna oblys əkimi Danııal Ahmetovpen birge oblys əkiminiń orynbasary Əsem Núsúpova, oblystyq jəne qalalyq məslıhattyń depýtattary, eńbek ardagerleri, ata-analar qoǵamy, BAQ ókilderi qatysty.
-Ushaqtar kentinde halyq kópten kútken bilim ordasynyń ashylýy, Tuńǵysh Prezıdent kúnimen tuspa-tus kelýi barshamyzǵa ortaq qýanyshty sát, mektepterińizdiń ishi jaqsylyqqa toly bolsyn!-dedi Danıal Kenjetaıuly,- búkil qazaqstandyqtardyń tarıhı tańdaý kúni, Tuńǵysh Prezıdent kúnimen sizderdi shyn júrekten quttyqtaımyn! Bul meıram Qazaqstan halqynyń Elbasy Nursultan Ábishuly Nazarbaevqa degen joǵary seniminiń, qurmetiniń jarqyn kórinisi bolyp tabylady. Nursultan Nazarbaev Táýelsiz Qazaqstannyń irgetasyn qalaǵan, qoǵamǵa aıryqsha eńbek sińirgen adam. Elbasymyz ata-babalarymyzdyń táýelsizdik týraly ǵasyrlar boıǵy armandaryn aqıqatqa aınaldyrdy. Soynmen qatar, áleýmettik-ekonomıkalyq, saıası jaǵdaılarda ozyq oılar tanytyp, búginde Qazaqstandy búkil álem tanyp otyr. Osylaı deı kele Danıal Kenjetaıuly mektep ujymyna, baldyrǵan balalarǵa bilimniń kemelin ıgerip, zamannyń ozyǵy ǵylym men tehnıkany meńgerýdi tapsyrdy.
Qalalyq bilim basqaramasynyń bastyǵy Natalııa Fesnkonyń aıtýynsha, mektepte 6 lıngafondyq, 2 kompıýterlik, 2 mýltımedııalyq jəne 16 kabınet jańa úlgidegi əmbebap mańyzy bar ınteraktıvti jabdyqtar bar. Munda Reseıde óndirilgen stanoktar, tigin mashınalary, aspazdyq bólmege arnalǵan elektr peshi barlyǵy balalar úshin arnaıy laıyqtalyp jasalǵan. Danıal Ahmetov osy jańa mekteptegi sportzalda birden eki synypta deneshynyqtyrý ótkizýge bolatyndyǵyn erekshe atap ótti. Munda fýtbol, voleıbol, basketbol doptarynan bastap, barlyq qajetti sporttyq jəne gımnastıkalyq jabdyqtar, snarıadtardyń barlyq túrleri bar eken. Sport zalynyń bir ereksheligi ár synypqa arnalǵan sheshinetin bólmede dýsh kabınalary bar. Sondaı-aq, medıateka men 40 adamǵa arnalǵan oqý zaly bar úlken kitaphana jəne yńǵaıly jıhaz ben zamanaýı sórelerden basqa kompıýterlik aımaq ta erekshe jabdyqtalǵan.
Mektep oqýshylary 400 oryndyq ashanada tamaqtanýǵa jəne 500 oryndyq akt zalyn paıdalana alady. Mektep ǵımaraty kúrdeli pishindi, alty bloktan turady eken. Kire beriste «Elektrondy mektep» baǵdarlamasyna arnalǵan operasııalyq júıedegi termınaldar tur. Radıo torap jumys isteıdi. Oqýshylarǵa arnalǵan syrt kıimderin sheshýge arnalǵan jeke shkaftar bar. Oqý tərbıe úderisin mektepte 60 pedagog júrgizedi. Olardyń 35 paıyzynyń joǵary jəne birinshi biliktilik sanaty bar. Oqytý tili qazaq jəne orys tilderinde, mekteptiń baǵyty jaratylystaný-matematıka. Mektep qabyrǵasynan tys jerde, syrtqy alańqaıda úlken fýtbol alańy, basketbol, jalpy deneshynyqtyrý daıyndyǵy úshin alań ornalasqan. Bul mektepte Iýnost, Komsomol kenti, 66 kvartaldyń balalary bilim alady. Jańa mekteptiń ashylý saltanatyna oraı ájeler táttilerden shashý shashty. Balalar ulttyq kıimde bı bılep, konserttik baǵdarlama usyndy.
Raýshan Nuǵmanbek
Semeı
Sýretti túsirgen avtor
