Búgin 1 jeltoqsan kúni «QAZAQSTAN» Ulttyq arnasy kórermenderine 17:30-da QR-nyń belgili qoǵam qaıratkerleri Elbasy jaıly oılarymen bólisetin «Prezıdent parasaty» jáne 20:35-te Qazaqstannyń táýelsizdik alǵan jyldardaǵy jahandyq bastamalary, elimizdiń beıbit jáne bitimgerlik mıssııalary, saıasat sahnasynda qol jetkizgen tabystary jaıynda «Saıasat sardary» atty derekti jobalaryn usynbaq.
Sondaı-aq, 22:35-te Elbasynyń stýdenttik jyldary men alǵashqy eńbek joldaryn baıandaıtyn «Elbasy joly: Ot-ózen» dramasyn tamashalaı alasyzdar. Aıta keteıik, dúısenbiden bastap Ulttyq arnada belgili qazaq aqyndarynyń elimizdiń táýelsizdik alǵan jyldarynan bastap jetken jetistikterine jáne osy jolda Ult kóshbasshysynyń atqarǵan erekshe róli jaıyndaǵy óleńderine arnalǵan arnaıy beınerolıkter kórsetilip keledi.
