Atalmysh júıe stasıonarda medısınalyq kómekti uıymdastyrýdy jaqsartýǵa, sondaı-aq, medısınalyq qyzmetter sapasyn kóterýge baǵyttalǵan.
Densaýlyq saqtaý mınıstrligi usynǵan jańa júıe naýqastarǵa kabınetten tys qyzmet kórsetýge arnalǵan. Aldaǵy kúnderi bul júıe elimizdiń barlyq aýrýhanalaryna endiriledi.
Almatyda №7 aýrýhana alǵashqylardyń biri bolyp qabyldaý bólimin trıaj-júıesine qajetti qorlarmen jabdyqtaýǵa kóshti. Osy jańalyqqa sáıkes qabyldaý bólimine kelip túsken naýqastar úsh topqa bólinedi. Olardyń ahýalyna baılanysty, sáıkesinshe qolyna qyzyl, sary nemese jasyl tústi bilezik taǵylady. Qyzyl aımaq – shuǵyl túrde medısınalyq kómek kórsetilýi tıisti naýqastar bolsa, sary aımaq – ıntensıvtik emes kómek kútip otyrǵandar, al jasyl aımaqta naýqasty qabyldap, qyzmet kórsetip, baǵyt berýge, qajet bolǵan jaǵdaıda josparly tártipke sáıkes aýrýhanaǵa jatqyzýǵa arnalǵandar kezegin kútedi.
Irikteýden keıin naýqastar yqsham qol arbalarmen jabdyqtalǵan qaraý aımaǵyna ótedi. Bul jerde naýqastanyp kelgenderdiń densaýlyǵy jan-jaqty tekseriledi. Monıtorlardaǵy arnaıy baǵdarlamalyq jabdyqtama onlaın tártibinde naýqastanyp túskenderge qyzmet kórsetý barysyn kórsetip turady. Osy jańalyqtyń arqasynda mamandarǵa qaralý úshin kezekke turý qajet bolmaıdy. Nátıjesinde naýqastar jaǵynan kelip túsetin shaǵymdar sanyn edáýir azaıa túsedi dep kútilýde.
Aınash ESALI,
«Egemen Qazaqstan»
