«Táýelsizdik kúni – uly mereke. Bizdiń ata-babalarymyz ǵasyrlar boıy azattyqtyń aq tańy túbi bir atarynan úmit úzbeı Táýelsizdik alýdy armandap ótti. Ulan-ǵaıyr dalany aman saqtaý úshin janqııarlyqpen kúresti. Halqymyzdyń san ǵasyrlyq armany oryndalyp, elimiz egemendikke qol jetkizdi. Mine, biz búgin elimizdiń basty merekesi – Táýelsizdik kúnin jıyrma altynshy ret toılap otyrmyz. Qazaq eliniń osynaý jyldarda qol jetkizgen jetistikteri Qazaqstan Respýblıkasynyń Tuńǵysh Prezıdenti – Ult Kóshbasshysy Nursultan Ábishuly Nazarbaevtyń esimimen jáne onyń sarabdal saıasatymen tikeleı baılanysty. Táýelsizdik kúni – bizdiń jalpyulttyq merekemiz. Olaı bolsa, birligimiz bekem, yntymaǵymyz yrysty bolyp, elimiz gúldene bersin!», - dedi Janseıt Qanseıituly.
Saltanatty jıynda oblys basshysy memlekettik jáne qoǵamdyq qyzmette sińirgen eńbegi, eldiń áleýmettik-ekonomıkalyq jáne mádenı damýyna, halyqtar arasyndaǵy dostyq pen yntymaqtastyqty nyǵaıtýǵa qosqan eleýli úlesi men óńirge eńbegi sińgen ońtústikqazaqstandyq 74 azamatqa memlekettik nagradalar tabystady.
Olardyń birqataryn aıtyp ótsek, III dárejeli «Aıbyn» ordenimen oblystyq tótenshe jaǵdaılar departamentiniń bastyǵy N.Derbisov marapattalsa, «Korporasııa «Bereke A» JShS bas dırektorynyń keńesshisi R.Ospanálıeva men Ońtústik Qazaqstan oblysy ákiminiń orynbasary U.Sádibekov «Parasat» ordeniniń ıegerleri atandy. Al, «Qurmet» ordenimen «EvroRemontServıs» JShS dırektory J.Aǵabekov, oblystyq ázil-syqaq jáne satıra teatrynyń ártisi Ý.Ábdiraıymov, M.Áýezov atyndaǵy OQMÝ-ń dekany S.Ábdiraıymova, Túrkistan qalasynyń ákimi Á.О́serbaev, aqyn T.Qabylbek syndy azamattar marapattaldy. Sonymen qatar, «Kentaý transformator zaýyty» AQ seh basshysy S.Zýbkov, «IýKMZ» AQ tokary T.Ismaılovtar III dárejeli «Eńbek Dańqy» ordenin ıelendi.
Táýelsizdik merekesindegi is-sharada «Eren eńbegi úshin» medalimen «Tileýberdi» JShS dırektory S.Batyrbaev, «Shymkent kúrdeli qurylys» JShS bas dırektory I.Buralqıevlar marapattalsa, eńbek ardageri M.Mambetov, Arys aýdandyq emhanasynyń feldsheri N.Ádilbekovalar «Shapaǵat» medalin ıelendi. Qurmet gramotasymen Shámshi Qaldaıaqov atyndaǵy oblystyq fılarmonııa ártisi G.Abýova, Arys qalalyq №8 V.Komarova atyndaǵy jalpy orta mektebiniń muǵalimi S.Korchagına syndy taǵy basqa azamattar marapattaldy.
Merekelik shara «Qazyna», «Shamsınur» bı ujymdarynyń oryndaýymen «Tirshiliktiń bastaýy - Qazyǵurt» sazdy-horeografııalyq kompozısııasymen jalǵasty. Sh.Qaldaıaqov atyndaǵy oblystyq fılarmonııa jáne oblystyq opera jáne balet teatrlarynyń ónerpazdary jınalǵandardy ónerimen tánti etse, kesh sazger A.Asanovtyń «Máńgilik el úshin» ánimen qorytyndylandy.
