Foto: mmawear.ru
Elimizde bokstyń damýy sapaly jańa deńgeıge kóterilip keledi. Sala úshin strategııalyq mańyzy bar qujat bokspen shuǵyldanatyn azamattar sanyn kóbeıtý, sportshylar daıarlaý sapasyn jáne qazaqstandyq boksshylardyń halyqaralyq arenada básekege qabilettiligin arttyrýdy kózdeıdi.
Tujyrymdama negizgi 6 bólimdi jáne salany damytýdyń barlyq baǵytyn qamtıdy. Olardyń ishinde 5 basym baǵyt aıqyndalǵan:
- boks ınfraqurylymyn damytý;
- buqaralyq sportty keńeıtý jáne sport rezervin qalyptastyrý;
- ǵylymı-ádistemelik jáne medısınalyq súıemeldeý isin jetildirý;
- jattyqtyrýshylar men tóreshilerdiń biliktiligin arttyrý;
- halyqaralyq yntymaqtastyq pen kásibı boksty damytý.
Azııa chempıonaty: Eki boksshymyz jarys jolynan shyǵyp qaldy
Qoıylǵan mindetterdi júzege asyrý tetigi 31 is-sharany qamtıtyn bekitilgen keshendi jospardan turady. Bul sharalar salanyń ózekti mindetterin júıeli túrde sheshýge jáne naqty nátıjelerge qol jetkizýge baǵyttalǵan.
Búginde elimizde bokspen 153 myńnan astam adam aınalysady, olardy elimizdiń 20 óńirinde 2 myńnan astam jattyqtyrýshy baptaıdy.
Ulttyq quramanyń negizgi, jastar, balalar jáne jasóspirimder komandalarynyń sapynda – 595 sportshy bar.
О́tken jyldyń qorytyndysy boıynsha 39 myńnan astam bala balalar-jasóspirimder sport mektepterinde bokspen aınalysyp jatyr, olardy 1 385 bapker jattyqtyrady.
Qazaqstan boks quramasy Futures Cup týrnırinde úsh altyn medal jeńip aldy
2030 jylǵa qaraı bokspen aınalysatyndardyń sanyn kóbeıtý, daıyndyq júıesiniń tıimdiligin arttyrý jáne qazaqstandyq sportshylardyń álemdik deńgeıdegi pozısııasyn nyǵaıtý josparlanyp otyr.
Tujyrymdamany júzege asyrý salanyń júıeli damýyna jańa serpin bermek jáne otandyq sportty damytýda, jastar arasynda salamatty ómir saltyn nasıhattaýda, sondaı-aq halyqaralyq arenada eldiń ımıdjin nyǵaıtýda mańyzdy qadam bolmaq.
