Atalmysh shara Ulttyq mýzeıdiń tól jobasy retinde 2015 jyldan beri dástúrli túrde uıymdastyrylyp keledi. Búginge deıin «Ulttyq mýzeıge syı tartý» aksııasy Almaty, Qyzylorda, Shymkent, Aqtóbe, Oral, Petropavl qalalarynda ótkizilgen.
Ulttyq mýzeı dırektorynyń orynbasary Abaı Satybaldınniń aıtýynsha, búginge deıin mýzeı qoryna 3000-nan asa qundy jádiger qabyldanypty. Olardyń qatarynda 2016 jyly Rıo-de-Janeıroda ótken Olımpııa oıyndarynyń chempıony, boksshy Danııar Eleýsinovtiń de boks qolǵaby bar. «Qolǵabymdy jádigerler qataryna qosqany men úshin úlken mártebe. Bul sharanyń jastar úshin mańyzy zor. Jádigerlerdi kórý arqyly ata-babalarymyzdy tanı túsedi. Bolashaqta zattary osy mýzeıden jádiger retinde oryn alatyndaı tulǵalar kóbeıe bersin», deıdi Olımpıada chempıony.
Úshinshi ret uıymdastyrylǵan «Ulttyq mýzeıge syı tartý» aksııasynyń qorytyndy jıynynda kórmege tek bıylǵy jyly Oral, Petropavl qalalarynda ótken sharada Ulttyq mýzeı qoryna qabyldanǵan jádigerlermen qatar, HHVIII qysqy Ýnıversıada jáne EKSPO-2017 halyqaralyq kórmesinen mýzeı qoryna qabyldanǵan eksponattar da qoıyldy.
Álı BITО́RE,
«Egemen Qazaqstan»
