Bıiktigi 2 metr jeńimpazdar shyrshasyn oblys sportshylary 2017 jyly jeńip alǵan 1000 medalimen bezendirdi. Medaldardyń kóbi sporttyń ər túrinen ótken chempıonattarda, sonyń ishinde paraolımpıadada da júldeli oryndarǵa berilgen.
Shyrshany jasaqtaǵan atyraýlyq sportshylar estafetany Qazaqstannyń basqa oblystaryndaǵy sportshylarǵa tabystady.
- Bizdiń sportshylar oılap tapqan jańa jyldyq challenge sportty nasıhattaýǵa jəne əriptesterimizdiń rýhyn kóterýge baǵyttalǵan,- deıdi Atyraý oblystyq dene shynyqtyrý jəne sport basqarmasynyń basshysy Azamat Beket, - Biz Qazaqstannyń barlyq sportshylary bastamamyzdy qoldap, bıyl qol jetkizgen jetistikterin kórsetedi degen senimdemiz.
Sportshylar balynda "Úzdik sport federasııasy", "Úzdik sportshy", "Úzdik top", "Úzdik sport jobasy" sekildi 15 atalym boıynsha júldegerler marapattaldy.
