«Qandastaryn eline shaqyryp jatqan dúnıede úsh-aq memleket bar. Sonyń bireýi – Qazaqstan. Bastapqy kezderde biz ádeıi sol elderge baryp, jaǵdaılaryn surap, birinshi Quryltaıdy ótkizdik. Uly kóshti bastadyq. Sodan beri bir mıllıon qandasymyz keldi. Olardan ósip jatqan urpaqtar odan da kóp. Kósh toqtaǵan joq. Eshqashan da toqtatpaımyz. Eshkimge qarsylyǵymyz joq, kelem degenderge esik ashyq. Ásirese jastar oqýǵa túsip, barlyǵy qalyp jatyr. Artynan úlkenderi de kelip qosylýda. Ony biz bilip otyrmyz. Ol úshin qýanyshtymyz. Shetelde áli de 4 mnl-nan asa qandasymyz bar», dedi Prezıdent olardy qoldaýǵa árbir qazaqstandyq múddeli ekenin jetkizdi.
«Bizdiń qazaqstandyqtar, qaltaly azamattar qandastarymyzdy qabyldaýǵa jaqyn bolýy kerek. Olarǵa kómektesý úshin arnaıy qor quryldy. Sol qorǵa qol ushyn berip, jumysqa ornalasýǵa, baspana salýǵa kómektesý kerek. Shaqyryp soǵan bárimiz múddeli bolýymyz tıis. Bul bizge qajet», dedi Elbasy.
Aıta keteıik, suhbat barysynda Qazaqstan Prezıdenti Astanada ótken «EKSPO-2017» mamandandyrylǵan kórmesine qatysty suraqtarǵa jaýap berip, jýrnalısterge bul is-shara el ekonomıkasyna mýltıplıkatıvtik turǵydan oń áser etkenin aıtty. Eńbek mıgrasııasy, «jasyl» ekonomıka qaǵıdattaryn engizý jáne «Sıfrlyq Qazaqstan» baǵdarlamasyn iske asyrý máselelerine erekshe toqtaldy.Sondaı-aq, Elbasy qoǵamdyq sanany jańǵyrtýdyń jáne qazaq tilin latyn qarpine kóshirýdiń mańyzdylyǵyn atap ótip, «Qazaqstandaǵy 100 jańa esim» jobasyn iske asyrýdyń nátıjeleri jóninde oı bólisti.
