«Bizde qazirgi kezde birinshi synypta úsh tilde oqytylýda. Qazaq, orys jáne aǵylshyn tilinde bilim alýda. Al 2025 jylǵa qaraı mektep túlekteri úsh tilge jetik bolady. Árıne, áńgimelesý deńgeıinde úsh tildi meńgergen jáne jumys isteýge qabiletti bolady. Sol sııaqty aldaǵy ýaqytta biz latyn tańbasyna negizdelgen álipbıimizdi qabyldasaq, bolashaqta balalarymyz úshin aǵylshyn tilin úırený múmkindikteri arta túsedi», dedi Prezıdent.
Memleket basshysy sondyqtan bul máseleni nege, qalaı degen suraqtardy doǵaryp jappaı kirise berýimiz kerek degen pikirin bildirdi.
«Eń bastysy aıqyn maqsatymyz bar ǵoı. Halyqtyń kópshiligi 95 paıyzdan astamy qoldady. Onyń ústine bizde birinshi synyptan bastap balalarymyz úsh tilde oqıtyn bolady. Burynyraqta aıtqanymdaı, 2025 jylǵa qaraı mektep túlekteriniń barlyǵy da úsh tilge jetik bolady. Al endi alǵashqy synyptan bastap mektepte aǵylshyn tilin oqytatyn bolsa, ol qaı tilde bolmaq? Árıne, latyn tańbasyna negizdelgen tól álipbıimizben jeńil ári tez meńgeretindigi sózsiz. Demek, bul bastama balalarymyz úshin bul qıyndyq týǵyzbaıdy dep sanaımyn», dedi N.Nazarbaev.
