Suhbat barysynda otandyq BAQ ókilderiniń biri "Tútin almatylyqtarǵa súıikti qalasyn eske túsirgenimen, keıbir qala turǵyndaryna múldem basqa emosııa týǵyzatyny belgili", deı kele Prezıdentten Astanany gazdandyrý máselesi týraly suraq qoıdy.
"Damyp kele jatqan qalalarda, mıllıondaǵan kólik bar qalalarda tútinniń bolýy zańdy. Árıne, Saryarqalnyń sary jeli tútindi alyp ketedi. Degenmen, Astananyń biz oılaǵannan da, biz kútkennen de jyldam damyp jatqanyn eskerý kerek. Qalanyń ózindik ómiri, ózindik tarıhy bar. Ony toqtatý qıyn. Buryn Astananyń masasyn synady. Aıazy týraly da aıtyldy. Tipti, Almaty turǵynynyń astanalyqqa habarlasyp, 40 gradýs aıazda qalaı ómir súrip jatqanyn suraǵany týraly ázil de bar. Astana turǵyny "Men kabınette jumys isteımin" dep jaýap bergen eken", deı kele Nursultan Nazarbaev Astanany gazdandyrý kún tártibinde turǵan másele ekenin aıtty.
"Biz munaı alatyn, gaz óndiretin memleketpiz. Biraq ol ol Qazaqstannyń basqa shetinde. Biz basqa shetindemiz. Al Reseı gazdy Sibirden alyp otyr ǵoı. Sondyqtan biz qazirgi tańda gaz qazben qamtamasyz etý máselesin qarastyrýdamyz. Búginde qazaqstandyq gazdy ońtústik óńirge tarttyq. Gazdy jetkizetin qubyr Qytaıǵa tıesili. Iаǵnı «Beıneý-Bozoı» qubyry. Sondaı-aq ortalyqta 4 qubyrdyń tizbegi bar. Keńes odaǵynan paıdalanyp kele jatqan qubyrlar bar. Barlyq qubyrlardy ońtústikke ózimizdiń gazdy jiberýge paıdalanýǵa bolady. Gaz «Qashaǵan» men «Teńiz» ken ornynda óndiriledi. Ol gaz jiberilýde. Gaz qubyryn Jezqazǵan, Qaraǵandy, Temirtaý arqyly ótkizip, Astanaǵa jetkiziledi. Sodan keıin Astanadan Pavlodar, Petropavlǵa gazdy jetkizý josparymyz bar. Jospardy júzege asyratyn bolamyz. Ol úshin qarajat bar. Árıne, oǵan ýaqyt kerek. Bizde tek Astanany emes, basqa qalalardy da gazǵa kóshirýge múmkindikter bar. Tek ýaqyt kerek. Sonymen qatar qoǵamdyq kólikterdi gazǵa kóshirip, turǵyndardy elektr kólikterine kóshirý kerek. Joǵaryda atalǵan jospady kútpeı-aq biz Astanaǵa suıytylǵan gazdy jetkizýdemiz. Ol turmystyq otyn retinde paıdalanady ǵoı. Birtindep qalany elektr qýatymen júretin kólik quraldarymen qamtamasyz etýge bolady. Qoǵamdyq kólikti gazǵa kóshirý qajet. Osy jumystardy júrgizý qajet. Mysaly, bizdi Almaty qatty alańdatady. Almatyda elektr stansalaryn gazǵa, halyqty qoǵamdyq kólikke, elektr kólikterine kóshirip, metrony damytý kerek. Bul problema barlyq jerde bar. Biz ony sheshetin bolamyz", dedi Prezıdent.
Prezıdenttiń aıtýynsha, Almaty sııaqty úlken qalalarda kólik quraldary aýany qatty lastaıdy. Búginde osy máselege erekshe kóńil bólinip keledi. «Osyǵan baılanysty respýblıka boıynsha 3 040 jańa qoǵamdyq kólik qurastyryldy. Sonyń jartysy gazben júredi. Jaqynda men Qostanaıda boldym. Ol jaqta biz otandyq elektromobılderdi qurastyra bastadyq. Mine, dál osy kóliktermen aýasy lastanyp jatqan qalalardy qamtamasyz etý kerek. Birinshiden, ol - Almaty. Sebebi ol jerde xalyq ta, kólik te kóp», - dedi N.Nazarbaev. Memleket basshysynyń sózine qaraǵanda, 1998 jylǵa deıin Qazaqstanda 700 myń kólik bolǵan. Qazir avtomobıl minetin qazaqstandyqtardyń sany 5 mln-ǵa jetti. «Osy kólikter qorshaǵan ortany lastap jatyr. Sol sebepti metro, jeńil relsti kólik qatynasy, qoǵamdyq kólikter, benzınge qoıylatyn talaptar jáne taǵysyn taǵy - bunyń barlyǵy ekologııany saqtaý jolyndaǵy sharalar», - dep atap kórsetti N.Nazarbaev.
